Oasis of the Seas

Уикипедия — ашық энциклопедиясынан алынған мәлімет
Навигацияға өту Іздеуге өту
«Теңіз шұратты»
Oasis of the Seas
Oasis of the Seas Нассау, Багам аралдары, 2010 ж. қаңтар
Oasis of the Seas Нассау, Багам аралдары, 2010 ж. қаңтар
Негізгі ақпарат
Түрі

Круизді кеме

Мемлекет

Багам аралдары Багам аралдары

Тіркелген айлақ

Нассау

Класс

Oasis

ИМО нөмірі

9383936

Қысқаша атауы

C6XS7

Операторы

Royal Caribbean International

Иемденуші

Oasis of the Seas Inc.[1]

Соғушы

STX Finland Турку, Финляндия

Суға түсірілді

2008

Қолданысқа берілді

2009

Қазіргі уақытта

Қолданыста

Сипаттамасы
Су ығыстырымы

225 282 т

Ұзындығы

360 м

Ені

47 м (ватерсызық бойынша)

Биіктігі

72 м (теңіз бетінен құбырдың басына шейін)

Орташа шөгуі

9,30 м

Техникалық сипаттамасы
Қозғалтқыштар

Wärtsilä 12V46D (3 дана) 16V46D (3 дана) дизельді қозғалтқыш

Винттердің саны

3 Azipod қозғалғыш винттері

Қуаттылығы

97,000 КВт

Жылдамдығы

22,6 түйін

Экипаж саны

2 165

Жолаушылар сыйымдылығы

5 400, 6 296 (мак.)

MS Oasis of the Seas («Теңіз шұратты») — Oasis класындағы алғашқы лайнер. Қолданысқа берілген кезде ең үлкен кеме болған. Лайнер Финляндияның STX Finland верфінде соғылған. Операторы — Royal Caribbean International. Өзінен басқа егіз сыңары Allure of the Seas кемесі бар.

Тарихы[өңдеу | қайнарын өңдеу]

Американдық Royal Caribbean International компаниясы кемені соғу үшін STX Finland верфімен 2006 жылы келісімшартқа отырып, жобаға Project Genesis деген ат қояды. Кеменің шынайы аты тек 2008 жылдың мамыр айында белгілі болады. Лайнер Oasis of the Seas деп аталды. Кеменің килі 2007 жылы 12 қарашада STX Finland верфінде төселеді. 2008 жылы 21 қарашада құрылыс докына су жіберіліп, тек кеменің ішкі жұмыстары қалады. 2009 жылы 8 маусымда Балтық теңізінің бойында кеменің жүру сынағы басталады. Осы жылдың қазанның жиырма сегізінші жұлдызында лайнер компанияға тапсырылады.

Форт-Лодердейлдегі Port Everglades айлағына тіркелу үшін таңертең 2009 жылы 30 қазанда кеме өз жүзуін бастайды. Балтық теңізін бойлай 2009 жылы 1 қарашада кешке Oasis of the Seas Данияның Үлкен бельт көпіріне жақындайды. Көпір биіктігі 65 метрлік кемелерді ғана өткізе алатын еді. Көпірмен соғыспау үшін кеменің құбырын қысқартады.Қосымша тағы жылдамдығын арттырады, нәтижесінде кеменің артқы бөлігі суға шөгеді ( ағыл. Squat-effect ). Соған қарамастан кеменің төбесі көпірге тиюге жарты-ақ метр қалады. Сонымен қатар қауіпсіздік мақсатында көпір бойымен қозғалысты уақытша тоқтатып қояды.[2]

Атлант мұхитын кесіп өткенде кеме ең жоғарғы жылдамдықпен жүзіп өтеді. Атлант мұхитында қатты жел мен толқындардың кесірінен лайнердің құтқару қайықтарының бірі істен шығады. Кеме екі күн кешігіп, 2009 жылы 13 қарашаның азаңында айлаққа жетеді.

2009 жылы 30 қарашада Форт-Лодердейлде шоқындыру салтанаты өтеді. Өкіл аналары болып жеті адам атанады.

Өзінің алғашқы саяхатын Форт-Лодердейл айлағынан 2009 жылы 5 желтоқсанда бастайды. Бір апталық круиз бағдарламасында лайнер Сент-Томас, Синт-Мартен және Багам аралдарына кіріп шығады. Жылдың аяғына шейін Oasis of the Seas Кариб теңізінде саяхаттады.

Кеменің сипаттамасы[өңдеу | қайнарын өңдеу]

Лайнер корпусының салмағы 45 000 т. және 480 000 бөлшектерден тұрады. Құрылыс кезінде төмен жиілікті тербелісті корпуспен алмастырылған. Кеме Wärtsilä компанияның 6 бастапқы іштен жану қозғалтқыштарымен жабдықталған — үш 12 цилиндрлі 12V46D және үш 16 цилиндрлі 16V46D төрт тактылы V-пішіндес (45°) дизельді қозғалтқыш. Қозғалтқыштардың көлемі сәйкесінше 1 156 684 және 1 542 246 см³. Қуаттылығы: 514 айн./сағ кезінде 18 850/25 133 а.к.-не тең. Кеменің жылдамдығы 22,6 түйін, бұл дегеніміз 41,9 км/сағ-қа тең. Лайнер телескопиялық құбырмен жабдықталған: керек кезінде құбырды 7 метрге дейін кішірейтуге болады.

Кемедегі ойын-сауықтар[өңдеу | қайнарын өңдеу]

Royal Promenade
  • Studio B — мұз айдыны.Мұндай айдын «Voyager» және «Freedom» кластарында да бар
  • Casino Royal — теңіз флотындағы ең үлкен казино
  • Opal Theatre — 1380 көрерменге арналған театр
  • Blaze — түнгі клуб
  • Jazz on 4 — джаз-клуб
  • Dazzles — дискотека
  • Royal Promenade — дүкендер мен мейрамханалар орналасқан атриум
  • Парк — жолаушыларға арналған табиғи саябақ. Мұнда 12 мың тірі экзотикалық өсімдіктер мен бұталар және 56 тал егілген.
  • 750 орындық сулы амфитеатр
  • сонымен қатар баскетбол және волейбол алаңқайы, жасанды жартас, минигольф, боулинг, спа-салон, фитнес-орталық, бассейн және тағы да басқа.

Кеменің суреттері[өңдеу | қайнарын өңдеу]

Дереккөздер[өңдеу | қайнарын өңдеу]

  1. Det Norske Veritas (ағылш.)
  2. «Oasis of the Seas» passiert Autobrücke(нем.)

Тағы қараңыз[өңдеу | қайнарын өңдеу]

Ортаққорда бұған қатысты медиа санаты бар: Oasis of the Seas
Records
Ізашары:
MS Independence of the Seas
Әлемдегі ең үлкен жолаушы кемесі
20092010
Ізбасары:
MS Allure of the Seas