Бақтияр Ғарифоллаұлы Артаев

Уикипедия — ашық энциклопедиясынан алынған мәлімет
Навигацияға өту Іздеуге өту
Бақтияр Артаев
Суреті
Жалпы мағлұмат
Толық есімі

Бақтияр Ғарифоллаұлы Артаев

Азаматтығы

 Қазақстан

Туған күні

14 наурыз 1983 (1983-03-14) (41 жас)

Туған жері

Тараз

Салмағы

69 кг

Бойы

183

Бапкері

Нұрлан Сәкенұлы Ақүрпеков

Марапаттар
Бокс
Олимпиада ойындары
Алтын Афина 2004 69 кг дейін
Әлем чемпионаты
Қола Мяньян 2005 69 кг дейін
Қола Чикаго 2007 75 кг дейін
Азия ойындары
Күміс Доха 2006 75 кг дейін
Мемлекеттік марапаттары
Барыс ордені
Барыс ордені

Бақтияр Ғарифоллаұлы Артаев (14 наурыз 1983 жыл, Тараз қаласы Жамбыл облысы) — боксшы, Олимпиада чемпионы, Вел Баркер кубогының иегері, халықаралық спорт шебері, 1-дәрежелі Барыс орденінің иегері.

2004 жылғы Грекияның Афины қаласында өткен Олимпиадада бокстан 69 келі салмақ арасындағы жарыс чемпионы, ересектер арасында бокстан Дүние жүзі чемпионатының қола жүлдегері (2005 жыл қараша Мианьян қаласы, Қытай). 7 дүркін Қазақстан чемпионы.

Өмірбаяны[өңдеу | қайнарын өңдеу]

  • Бақтияр Артаев 1983 жылы Жамбыл обылысы, Тараз қаласында Ғарифолла Артаев пен Тұмарткүл Жексембиеваның отбасында дүниеге келген.
  • Бокспен 11 жасынан бастап шұғылданады. Бірінші әрі жеке бапкері - Нұрлан Ақүрпеков.

Әуесқой бокстан әлем чемпионаты 2003[өңдеу | қайнарын өңдеу]

Жартылай орташа салмақ
Кезең Күні Спортшы Нәтижесі Спортшы
1/16 08.07.2003 Қазақстан Бақтияр Артаев 30:8 Аустралия Daniel Geale
1/8 09.07.2003 Қазақстан Бақтияр Артаев 29:10 Оңтүстік Корея Kim Jing Joo
1/4 10.07.2003 Қазақстан Бақтияр Артаев 14:18 Өзбекстан Шерзод Хусанов

Афинадағы Олимпиада ойындары[өңдеу | қайнарын өңдеу]

Жолдама алу[өңдеу | қайнарын өңдеу]

Бақтияр көп уақытқа Бокстан ұлттық құрамада екінші рөлдегі боксшы ретінде саналып келді. Афина қаласында өткелі жатқан Олимпиада ойындарына да ең соңғылардың бірі болып лицензияны жеңіп алған болатын. 2002 жылы өткен әскерилер арасындағы әлем чемпионатында топ жарған Азамат Мақажанов осы салмақта Қазақстанның үміті саналған еді, алайда Азамат 2004 жылдың 24 сәуір күні Алматы қаласында Азиялық олимпиадалық іріктеу турниріне жолдама үшін болған спарингте Бақтияр Артаевқа жеңіліп қалады. 2004 жылы 5-12 мамыр аралығында Пакістанның астанасы Карачи қаласында өткен Азиялық олимпиадалық іріктеу турнирінде Бақтияр өзінің жақсы формада екенін көрсетіп, турнирдің жеңімпазы атады. Финалда Бақтияр ирандық Ахмедабад Каримиді кездеседі. Бақтиярдың айқын басымдығын көрген төрешілер ойынды 3-ші раунд-ақ тоқтатып, жеңісті Бақтиярға береді.

Олимпиада ойындары[өңдеу | қайнарын өңдеу]

28-Олимпия ойындарының жеңімпазы Б.Артаев (2004, Афины, Грекия
  • 15 тамыз
  • 19 тамыз
  • 22 тамыз
  • 27 тамыз
  • 29 тамыз

Олимпиада ойындары Бақтияр үшін сәтті басталды десе болады. 1/16 финалда камерундық Вили Бертрана Танке шаршы алаңға шықпай қойды. 1/8 финалда түркменістандық Алиаскер Башировты 33:23 есебімен, ширек финалда украиндық Виктор Поляков айқын басымдықпен жеңді (33:13). Халықралық жарыстарда әлі көзге түсіп үлгермеген, айтарлықтай үлкен жеңістері жоқ Бақтияр Артаев жартылай финалда танымал ресейлік боксшы, екі дүркін Олимпиада чемпионы және Баркер кубогының иегері Олег Саитовқа қарсы шықты. Небәрі 21 жастағы Бақтияр Олимпиада ойындарының фовориті, тәжірибелі Саитовты 20:18 есебімен жеңіп, финалға шықты. Олимпиадада әлі алтын алмаған Қазақстанның ендігі үміті - бокстан финалға шыққан Бақтияр Артаев пен Геннадий Головкин еді. Бақтиярды финалда атағы мен тәжірибесі Олег Саитовтан кем түспейтін, екі дүркін әлем чемпионы кубалық Лоренцо Арагон күтіп тұрды. 1.5 жыл ұтылмаған Лоренцо Арагон Бақтияр Артаевқа финалда 36:26 есебімен жеңіліп қалды.

Жартылай орташа салмақ
Кезең Спортшы Нәтижесі Спортшы
1/16 Қазақстан Бақтияр Артаев АШҚ Камерун Вили Бертрана Танке
1/8 Қазақстан Бақтияр Артаев 33:23 Түрікменстан Алиаскер Баширов
1/4 Қазақстан Бақтияр Артаев АБЖ Украина Виктор Поляков
1/2 Қазақстан Бақтияр Артаев 20:18 Ресей Олег Саитов
Финал Қазақстан Бақтияр Артаев 36:26 Куба Лоренцо Арагон

2005 жылғы Әуесқой бокстан әлем чемпионаты[өңдеу | қайнарын өңдеу]

  • 13 қараша
  • 15 қараша
  • 17 қараша
  • 18 қараша
  • 19 қараша
Жартылай орташа салмақ
Кезең Спортшы Нәтижесі Спортшы
1/16 Қазақстан Бақтияр Артаев 25:17 Болгария Спас Генов
1/8 Қазақстан Бақтияр Артаев 48:28 Марокко Хами Милуда
1/4 Қазақстан Бақтияр Артаев 32:18 Грузия Кахабер Жванио
1/2 Қазақстан Бақтияр Артаев 22:31 Куба Эрисланди Лара Сантойя

2006 жылғы Азия ойындары[өңдеу | қайнарын өңдеу]

2007 жылғы Әуесқой бокстан әлем чемпионаты[өңдеу | қайнарын өңдеу]

  • 24 қазан
  • 27 қазан
  • 30 қазан
  • 1 қараша
  • 2 қараша
  • 3 қараша
Орташа салмақ
Кезең Спортшы Нәтижесі Спортшы
1/32 Қазақстан Бақтияр Артаев АБЖ Грузия Георгий Накани
1/16 Қазақстан Бақтияр Артаев АБЖ Оңтүстік Корея Чу Дук Жин
1/8 Қазақстан Бақтияр Артаев 20:7 Тайланд Сурия Парсатхинпима
1/4 Қазақстан Бақтияр Артаев 19:11 Марокко Саид Рашиди
1/2 Қазақстан Бақтияр Артаев 7:15 Венесуэла Альфонсо Бланко

[1]

Бейжіңдегі Олимпиада ойындары[өңдеу | қайнарын өңдеу]

  • 9 тамыз
  • 16 тамыз
  • 20 тамыз
Орташа салмақ
Кезең Спортшы Нәтижесі Спортшы
1/32 Қазақстан Бақтияр Артаев 8:2 Марокко Саид Рашиди
1/16 Қазақстан Бақтияр Артаев 10:7 Ресей Матвей Коробов
1/8 Қазақстан Бақтияр Артаев 3:8 Ұлыбритания Джеймс Ди Гейл

Еңбек жолы және білімі[өңдеу | қайнарын өңдеу]

Пошта маркасы, 2013 жыл
  • Құқықтану, менеджмент, дене шынықтыру пәнінің мұғалімі мамандықтары бойынша М.Қ.Дулати атындағы Тараз мемлекеттік университетін, Қазақ спорт және туризм академиясын тәмамдаған.
  • Еңбек жолын «Тараз газ шаруашылығы басқармасы» ЖШС-ның менеджері болып бастаған.
  • ҚР ІІМ ішкі әскері спорт командасының аға нұсқаушысы, маман, бөлім бастығының орынбасары
  • «Тараз газ шаруашылығы басқармасы» ЖШС-ның инженері
  • Жамбыл облысының Жамбыл ауданы Айша Бибі ауылдық округінің әкімі болып қызмет істеген.
  • 2009 жылдан бері Жамбыл облысы туризм, дене шынықтыру және спорт басқармасын басқарып келген.
  • 2011 жылдың қаңтарында Жамбыл облысы әкімінің өкімімен Жамбыл обылысы әкімі аппараты жетекшісінің орынбасары қызметіне ауысты.[2]
  • Қазіргі уақытта Бақтияр Артаев атындағы бокс сарайының директоры.

Жанұясы[өңдеу | қайнарын өңдеу]

  • Әкесі - Артаев Ғарифолла Бекбасарұлы (1956 - 20.08.2012)
  • Анасы - Жексембиева Тұмарткүл Өміртайқызы (1960 - 20.08.2012)
  • Ағасы - Бақыт (1979 ж.т.)
  • Інісі - Артаев Наурыз (1989 ж.т.)
  • Жолдасы - Тұнғатова Салтанат Тоғайқызы (1986 ж.т.)
  • Ұлы - Артаев Әлинұр Бақтиярұлы (2009 ж.т.)

2012 жылдың 20 тамыз күні Бақтияр Артаевтың әкесі Ғарифолла Бекбасарұлы мен анасы Тұмарткүл Өміртайқызы "Алматы-Ташкент" тас жолының 544 шақырымында жол көлік апатынан қаза тапқан. Бақтиярдың әке-шешесінен бөлек көлікте Бақтиярдың туған ағасының екі қызы болған. Nissan X-Trail көлігінің тізгініне ие болмай қалған Ғарифолла Бекбасарұлы Шымент қаласынан Тараз қаласы бағытында келе жатқан. Қайғылы оқиға Күйік асуында орын алған.[3]

Бақтияр Артаев құрметіне[өңдеу | қайнарын өңдеу]

2007 жылдың 21-наурыз күні Тараз қаласында Бақтияр Артаев атындағы бокс сарайы ашылды.

Дереккөздер[өңдеу | қайнарын өңдеу]

  1. Біз бокс арқылы танылған елміз
  2. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2
  3. Жамбыл облысында Олимпиада чемпионы Бақтияр Артаевтың ата-анасы көз жұмды Мұрағатталған 24 тамыздың 2012 жылы.