Бақытжан Әлімбайұлы Әбішев

Бақытжан Әлімбайұлы Әбішев (17 шілде 1947, Ақтөбе - 18 қаңтар 2017, Алматы) — суретші, мүсінші. Қазақстан суретшілер одағының мүшесі.

Өмірбаяны

• Алматы орта мектебінің 10 жылдық сыныбын және Алматы Гоголь атындағы сурет училищесін 1969 жылы аяқтағаннан соң, Суриков атындағы Мәскеу мемлекеттік көркемсурет институтына оқуға түсті.

Шығармашылығы

• 1971 ж. Мәскеу қаласында жас суретшілердің «Шетел әдебиетінің кітапханасы» көрмесінен бастады. Содан бері республикалық, бүкілодақтық көрмелердің тұрақты қатысушысы.
• 1975 ж. бастап, республиканың қайраткерлері: Жасыбай, М. Әуезов, Әл-Фараби, Берсиев және т.б бейнелері сомдалды.
• Сонымен қатар республикадағы монументальды жұмыстардың авторы:
  • Тоқаш Бокин ескерткіші (Алматы қаласы)
  • Ұлы Отан соғыстарының құрбандарына қойылған
  • «Әлия
  • Мәншүк»
  • «Қаныш Сәтпаев»
  • «Ауған соғысының құрбандарына» қойылған ескерткіштердің жобасына қатысушы және т.б.
• Алматы қаласындағы қоғам қайраткерлерінің аллеясындағы
  • Әл-Фараби
  • Махамбет
  • Күләш Байсейітова
  • Алматы қаласындағы Жамбыл ескерткіші
  • Бұқар жырау ескерткіші
  • Мәшһүр-Жүсіп Көпеев ескерткіші
  • Павлодар облысы Баянауыл ауылындағы С. Торайғыров ескерткіші
  • Ақтөбе облысындағы Әлия Молдағұлова ескерткіші.
• Республиканың қалаларындағы мұражайларында сондай-ақ шет елде станоктік сипаттағы жұмыстар орналасқан.
  • «Олимпиядашыл» атты еңбегі Швейцариядағы Лозаннада олимпиада комитетінің штаб пәтер мұражайында
  • «Күйші» Германиядағы жеке жиынтығында
  • «Томирис» Мәскеуде орналасқан.
• Оның жұмыстарының жекелеген даналары ҚР Президентінің резиденциясында қойылған.
• ҚР мемлекеттік сыйлығы авторы
• ҚР Президентінің әлемдік рухани келісім сыйлығы белгілерінің авторы.

Марапаттары

• Қазақстан Республикасы Ленин Комсомолы сыйлығының лауреаты.
• Жамбыл атындағы халықаралық сыйлықтың иегері.

Отбасы

• Үйленген. Жұбайы - Шәмшігүл Мырзабекқызы Меңдиярова (1947 жылы туған ), М.Әуезов атындағы мемлекеттік академиялық драма театрының Еңбек сіңірген актрисасы.
• Ұлы - Еркін (1978 жылы туған);
• қызы - Санди (1980 жылы туған).