Диогу Жота

Диогу Жота
Жалпы мағлұмат
Туған күні	4 желтоқсан 1996 (1996-12-04) (27 жас)
Туған жері	Масарелуш, Португалия
Азаматтығы	Португалия
Бойы	178 см
Позиция	жартылай қорғаушы
Клуб жайлы ақпарат
Клуб	Ливерпуль
Номері	20
Клуб карьерасы 2014—2016 Пасуш де Феррейра 41 (14) 2016—2018 Атлетико Мадрид 0 (0) 2016—2017 →  Порту 27 (8) 2017—2018 →  Вулверхэмптон Уондерерс 44 (17) 2018—2020 Вулверхэмптон Уондерерс 67 (16) 2020— Ливерпуль 47 (24) Ұлттық құрамы 2019— Португалия 24 (9)

Диогу Жозе Тейшейра да Силва (порт. Diogo José Teixeira da Silva), немесе қысқаша Диогу Жота (порт. Diogo Jota; 4 желтоқсан 1996, Масарелуш) — португалиялық футболшы, Португалия Ұлттық футбол құрамасы мен "Ливерпуль" клубының жартылай қорғаушысы.

Карьерасы

Клубтық

"Пасуш де Перрейра" клубының түлегі. 2014 жылы карьерасын осы клубта бастап, сол жылы 14 қарашада Португалия кубогында "Атлетико Регуеншеге" қарсы ойында тұңғыш рет алаңға шықты. 2015 жылы 20 ақпанда "Витория Гимарайншқа" қарсы ойында тұңғыш рет Португалия чемпионатында алаңға шықты. Тұңғыш голын сол жылы 17 мамырда "Академика Коимбра" қақпасына соқты.

2016 жылы "Атлетико Мадридке" ауысты. Бірақ испаниялық клубта қосалқы құрамда отырып қалды да, "Портуға" жалға берілді. "Порту" сапында Чемпиондар лигасындағы тұсауы кесілді, 7 желтоқсанда "Лестер Ситиге" қарсы ойында алаңға шығып, бір гол соқты.

2017 жылы Англия чемпионшипінде ойнайтын "Вулверхэмптонға" жалға берілді. 2018 жылы жазда "Вулверхэмптон" футболшыны 12 млн еуроға түпкілікті сатып алды.

2020 жылы жазда "Ливерпуль" Диогуды 41 млн еуроға сатып алды да, бес жылдық келісім шарт жасасты.

Құрама

Португалияның бірнеше жастағы құрамаларында ойнады. 2019 жылы УЕФА Ұлттар лигасының финалдық кезеңіне қатысатын футболшылар тізіміне енді, бірақ алаңға шықпады. Соған қарамастан турнир жеңімпазы атанды.

2019 жылы 14 қарашада Литваға қарсы ЕУРО-2020 іріктеуінде тұңғыш рет Ұлттық құрама сапында алаңға шықты.

Жетістіктері

Клубтық

Вулверхэмптон

• Англия чемпионшипінің жеңімпазы: 2017/18

Халықаралық

Португалия

• УЕФА Ұлттар лигасының жеңімпазы: 2019

Сілтемелер

• Профилі