Дөңес функция

Дөңес функция мен оның графигі көкпен ал график жоғарғы жағы жасылмен боялған.

Дөңестік пен ойыстық, математикада — y=f(x) функциясы (қисық сызығы) графигінің әрбір доғасы өзінің хордасынан төмен (не жоғары) жатпайтындығын көрсететін қасиеті. f(x) функциясы графигінің дөңестігі төмен (ойыстығы жоғары) бағытталса, функция дөңес деп, ал оның графигінің ойыстығы төмен (дөңестігі жоғары) бағытталса, функция ойыс деп аталады. Егер үздіксіз f(x) функциясының f’(x) туындысы алынатын болса, онда қарастырылған аралықтың барлық нүктелерінде дөңестік f’’(x)>=0, ал ойыстық f’’(x)<=0 шарты орындалғанда ғана жүзеге асады. Өзінің кез келген нүктесінің маңайында, дөңестік қисық сызықтың доғасы осы нүкте арқылы жүргізілген жанамадан төмен жатпайтындығымен, ал ойыстық қисық сызықтың доғасы осы нүкте арқылы жүргізілген жанамадан жоғары жатпайтындығымен сипатталады. Беттердің дөңестігі мен ойыстығы да осыған ұқсас анықталады.

Пайдаланған әдебиеттер

Қазақ энцклопедиясы