Ерлан Жаңатайұлы Оразаев

Ерлан Оразаев
Жалпы мағлұмат
Толық аты	Оразаев Ерлан Жаңатайұлы
Туған күні	4 сәуір 1979 (1979-04-04) (45 жас)
Азаматтығы	Қазақстан
Бойы	178
Позиция	шабуылшы
Клуб жайлы ақпарат
Клуб	карьерасын аяқтады
Клуб карьерасы 1997—1999 Қайрат 21 (11) 2000 Жетісу 2 (1) 2000—2001 Қайрат 23 (3) 2001 Маңғыстау 30 (5) 2002 Қайрат 5 (0) 2003—2005 Алматы 59 (10) 2006 Жетісу 7 (0) Ұлттық құрамы 1997—1999 Қазақстан-19 12 (6) 2000 Қазақстан-21 3 (1) 2000 Қазақстан 1 (0)

Ерлан Жаңатайұлы Оразаев (4 сәуір 1979 жыл) — қазақстандық футболшы, шабуылшы. 1999 жылы жастар арасындағы әлем чемпионатына қатысты.

Карьерасы

1990 жылдары қазақ балаларынан құралған "Намыс" футбол клубының түлегі. Кейін қаршы тапшылығынан клуб тарап кетті де, Алматының "Қайратына" ауысты.

Алматылық клубтың екінші командасында ойнап жүріп Қазақстанның 19 жасқа дейінгі құрамасына шақырылды. Алғашқы ойынын 1998 жылы 24 мамырда Тәжікстан жастарына қарсы өткізді. Бұл кездесуде Қазақстан жастары 5:0 есебімен жеңіске жетті.

21 жасқа дейінгі құрама сапында 1999 жылы Нигерияда өткен жасөспірімдер арасындағы әлем чемпионатына қатысты. Бұл турнирде құрама үш ойында да ұтылып, бір ғана гол соқты, ол голды Ерлан Хорватия жастарының қақпасына енгізді.

Тарихи голдың авторы негізгі құрамада бір ғана ойын өткізді. Қазақстан құрамасының бапкері Владимир Фомичев 2000 жылдың соңында сырт алаңда БАӘ құрамасына қарсы ойында алаңға шығарды. Бұл ойында Қазақстан 2:5 есебімен ұтылып қалды. Осы жеңілістен соң Фомичев қызметінен босады да, Ерланды ешкім қайтадан құрамаға шақырған жоқ.

Кейін "Жетісу", Қайрат", "Маңғыстау", "Алматы" клубтарында ойнады да, 2006 жылы жарақатының кесірінен футболмен ерте қоштасты.

Жетістіктері

Командалық

• Қазақстан кубогы: 2000

Сілтемелер

• footballfacts.ru сайтындағы профилі