Жасыл Шам

Жасыл Шам
Green Lantern
Шығу тарихы
Дебют	All-American Comics #16 (1940 шілде)
Авторлары	Билл Фингер Мартин Ноделл
Кейіпкер сипаттамасы
Позициясы	Жақсылық
Альтер-эго	Алан Скотт Хел Джордан Гай Гарднер Джон Стюарт
Түрі	адам
Командалар мен ұйымдар
Командалары	Жасыл Шамдар корпусы, Әділдік Лигасы
Одақтастары	Жасыл Жебе, Супермен, Флэш, Ғажайып-әйел, Бэтмен
Жаулары	Синестро корпусы, Қызыл Шамдар корпусы, Қара Шамдар корпусы, Ларфлиз, Гектор Хаммонд
Ерекше күштері
Сақина күші беретін қабілеттер Энергетикалық обьектілерді жасап оларды басқару
Жабдықтауы
Күш Сақинасы Сақинаны қуаттайтын Күш батареясы

Жасыл Шам (ағылш. Green Lantern) — DC Comics компаниясының комикстерінде көрінетін көптеген ойдан шығарылған кейіпкерлердің атауы. Ең бірінші Жасыл Шам - Алан Скотты жазушы Билл Фингер мен суретші Мартин Ноделл ойлап тапқан. Алғаш рет All-American Comics #16 (1940 шілде) комиксінде бой көрсетті.

Әрбір Жасыл Шамның күшке толы сақинасы болады. Ол сақина иесінің дене күші мен рухани күші бекем болып тұрғанда физикалық әлемді басқаруға мүмкіндік береді. Алтын ғасыр Жасыл Шамы - Алан Скоттың сақинасы сиқырдан қуат алған. Кейінгі Шамдардың сақиналарын Ғалам сақшылары жасап шығарып, лайықты үміткерлерге сыйға тартқан. Олар ғаламшараралық полиция ретінде Жасыл Шамдар Корпусын құрайды.

Екінші дүниежүзілік соғыстан кейін суперқаһармандар жайлы комикстердің сатылымы азайып, DC Жасыл Шам - Алан Скотт туралы хикаялар шығаруды доғарады. 1950-жылдардың соңында комикстердің Күміс ғасырының басталуы кезінде редактор Джулиус Шварц сценарист Джон Брум мен суретші Джил Кейнге Жасыл Шам кейіпкерін қайта тірілтуді тапсырады. Бұл жолы ол Әділдік Лигасының мүшесі, сынақшы-ұшқыш Хэл Джордан ретінде қайта оралды. 1970-жылдардың басында автор Дэнни О’Нил және суретші Нил Адамс Жасыл Шамды садақшы Жасыл Жебемен біріктіреді. Ғарыш тақырыбындағы бірнеше сериялар және жердегі кездейсоқ әртүрлі Жасыл Шамдар жайлы сериялар жарық көреді. Олардың ішіндегі ерекшеленетіндері — Джон Стюарт, Гай Гарднер және Кайл Райнер.