Иордан

Иордан - Батыс Азиядағы өзен, көпшілік бөлігі Иорданияда.Ұзындығы 252 км, Джебель - әш - Шейх (Хермон) жотасынан басталып, Өлі теңізге құяды. Жоғарғы жағында аңғары тар, арнасының кей тұсы шоңғалды келеді. Төмен қарай аңғары кеңейіп, маңындағы жерлер шөлейтке айналады. Су шығыны жазда 50 м3/сек. Грунт , көл суымен қоректенеді. Басты саласы - Ярмук (солынан). Иордан жер суаруға кеңінен пайдаланылады. Иорданның аңғары - елдің басты егіншілікті ауданы. Өзенде плотиналар мен СЭС бар.

Дерек көздер

• Қазақ Совет Энциклопедиясы, Алматы 1974,5 том.