Кит тәрізді акула

Кит тәрізді акула Қазбалық ауқымы: 60–0 Ma ПреК К О С Д Кр П Т Ю Б Пг Н
Амандық күйі
Vulnerable (IUCN)
Ғылыми топтастыруы
Дүниесі: Жануарлар Жамағаты: Хордалылар Табы: Шеміршекті балықтар Кіші табы: Elasmobranchii Ұлы сабы: Selachimorpha Сабы: Orectolobiformes Тұқымдасы: Rhincodontidae J. P. Müller and Henle, 1839 Тегі: Rhincodon A. Smith, 1829 Түрі: R. typus
Екі-есімді атауы
Rhincodon typus A. Smith, 1829
Синонимдері
Micristodus punctatus Gill, 1865 Rhineodon Denison, 1937 Rhiniodon typus A. Smith, 1828 Rhinodon pentalineatus Kishinouye, 1901 Rhinodon typicus Müller & Henle, 1839

Кит тәрізді акула (лат. Rhincodon typus) — Orectolobiformes отрядының Кит тәрізді акулалар тұқымдасының (лат. Rhincodontidae)қазіргі заманның акулаларының арасындағы ең ірі акуласы.

Кит тәрізді акуланың ауыз қуысы өте үлкен. Ауыз қуысының үлкендігі 1 метрдей болады. Кит тәрізді акуланың 5 желбезегі болады. Басы жалпақ, тұмсығы дөңгелек. Екі жүзбе қанаты және екі арқа қанаты бар. Олардың денесінің ұзындығы- 12,2 м, ал салмағы – 13,3 т. Кит тәрізді акуланың 3000 тісі бар. Бірақ бұл тістердің бәрі тістеу, шайнау қызметін атқармайды. Аналықтары аталықтарына қарағанда үлкендеу. Құйрығының үстіңгі ұшы ұзын болса, астыңғы ұшы қысқа болады. Олар жылы жағажай сулары мен теңіз суларында тіршілік етеді. Уақытының көп бөлігін су бетінде өткізеді. Олар өте баяу қимылдайтын акулалар, сағатына 4 шақырым жерді ғана жүзіп өте алады. Бүкіл денесімен, яғни оң- сол жақ бүйірімен кезектесе жүзеді. Бұл акулалар өз қоректерін сүзіп жейді. Олардың негізі қорегі - криль, планктон, кішкентай балықтар мен асшаян. Кит тәрізді акулалар ауыздарын ашып жүзеді. Осылай олар қоректерін сумен бірге жұтып, суды желбезек саңылаулары арқылы шығарады. Желбезектен шықпай қалғандардың бәрі олардың қорегі болып табылады. Олар сағат сайын 600 литр суды сүзіп шығарады. Шамамен 100-150 жыл өмір сүреді.