Нутация

Нутация (лат. nutatіo – тербеліс) – қатты дене қозғалысының прецессиясымен қабаттаса жүретін құбылыс.

Нутация нәтижесінде дененің айналу осі мен прецессия болатын осьтің арасындағы бұрыш өзгеріп отырады. Бұл бұрыш нутация бұрышы деп аталады. Ауырлық күшінің (Р) әсерімен қозғалатын гироскоптағы (зырылдауықтағы) нутация гироскоп осінің тербелісі болады. Гироскоптық жүйенің нутациясы дегеніміз – амплтитудасы аз, жиілігі көп болатын жүйе қалпын анықтайтын бұрыштардың периодтық өзгерісі. Үйкеліс салдарынан нутациялық тербеліс тез өшеді. Содан кейін гироскоп таза прецессиялық қозғалыс жасайды.