Сайын Назарбекұлы

Сайын Назарбекұлы Назарбеков
Туған күні	2 қаңтар 1941 (1941-01-02) (83 жас)
Туған жері	Маңғыстау облысы, Тиген
Азаматтығы	Қазақ КСР  Қазақстан
Ұлты	Қазақ
Қызметі	ақын, сәулетші, қоғам қайраткері
Балалары	Нұрлан Назарбеков
Марапаттары мен сыйлықтары	Құрмет ордені Қазақстанның еңбек сіңірген қайраткері
Басқалары	Руы Тоқтамыс Жары

Сайын Назарбекұлы Назарбек (2 қаңтар, 1941 жылы Маңғыстау облысы, Тиген ауылында туған) — ақын, сәулетші. Қазақстанның еңбек сіңірген қайраткері (2001). Махамбет атындағы халықаралық сыйлықтың лауреаты. Қазақстан Республикасының Құрметті азаматы. Маңғыстау облысының және Атырау облысының Құрметті азаматы. Қазақстан Сәулетшілер Одағының және Қазақстан Жазушылар Одағының мүшесі. «Нұр Отан» партиясының мүшесі.

Өмірбаян

Ол 1958 жылы Ұштаған орта мектебін бітіріп, біраз жылдар бойы жүргізуші болады.

1964 жылы Алматыдағы Қазақ политехникалық институтының инженер - құрылыс факультетін бітіріп, 1964 - 1969 жылдары Маңғыстау мұнай өңдеу бірлестігінің құрылыс мекемелерінде жұмыс жасаған.

Ал 1980 - 1989 жылдар арасында Алматы техникумында дәріс берген.

1992 жылы Маңғыстау өңірінің өлең, жыр, шешендік сөз туындыларын жинақтап жарыққа шығару, өлкенің зираттық сәулет ескерткіштерін дүние жүзіне танытарлық түрлі түсті, бірнеше тілді кітап альбом шығару, өнерді дамыту және сол мақсаттарды орындау үшін «Маңғыстау мұралары» атты циклдық кітаптарды шығармақ болған. Сол мақсатта «Парыз» мекемесін құрды. Қазір Сайын Назарбекұлы басқаратын бұл мекеме «Маңғыстау мұралары» циклдық кітаптарының алғашқылары «Маңғыстау мұралары», С. Жаңғабылұлының «Аманат» кітаптарын жарыққа шығарды.

2002 жылы Л. И. Гумилев атындағы Ұлттық Еуразия университетіне қызметке шақырылған ол ұлттық этнография саласында еңбек етіп, «Қазақтың киіз үйі» атты зерттеу жұмысын аяқтады. «Адай шежіресі» атты сегіз томдық еңбектің жинақталып, жазылуына басшылық етті.

Толығырақ

• Сайын Назарбекұлы 1941 жылы 2 қаңтарда Маңғыстау облысы, Тиген ауылында дүниеге келген.
• 1969 жылы Қаныш Сәтбаев атындағы Қазақ ұлттық техникалық университеті (бұрынғы Қазақ политехникалық инистиутын) бітірген.
• 1969 – 1975 жылдары Қазақ политехникалық инистиутында оқытушы;
• 1975 – 1980 жылдары Жаңаөзен қаласында құрылыс мекемесінде басшылық қызмет атқарды.
• 1980 – 1989 жылдары Алматы құрылыс техникумында (қазіргі колледж) оқытушы болды.
• Сайын Назарбекұлы, Абай – Шәкерім (1995), Омархан – Нұржамал (1996) кесенелерін, Абыл ақын, Досан батыр (1992, Маңғыстау облысы), Тоқтамыс батыр (Семей қ.) күмбездерін, Ділдә, Әйгерім, Ақылбай, Шәкір Әбенов сағаналарын (1995, қазіргі Шығыс Қазақстан облысы), Домалақ ана (1997, Қаратау), Хан ордалы Сарайшық (1999, Атырау облысы) кесенелерін, т.б. сәулет ескерткіштерін тұрғызған. Н. – «Парыз» (1994),
• «Абай басқан Жидебай топырағы» (1995), «Шерқала» (1996) 3 томдық шығармалар жинағы (2001), «Сырласым бол» (2004). Сонымен қатар «Абай ішіп үлгермеген у», «Ақбөбек», «Махамбет» драматикалық шығармаларының, 8 томдық «Қазақ халқының шежіре тарихы» (Адай тайпасы), «Қазақтың киіз үйі» атты этнографиялық еңбектердің авторы. «Тоқтамыс Батыр» кітабының авторы.

Мемлекеттік марапаттары

• 1996 жылы Елбасының жарлығымен Тәуелсіз Қазақстан Республикасының жоғарғы мемлекеттік наградасы Құрмет ордені мен марапатталды.
• 2001 жылы «Қазақстанның еңбек сіңірген қайраткері» құрметті атағы берілді.
• 2005 жылы «Қазақстан конститутциясына 10 жыл» мерекелік медалі
• 2011 жылы «Қазақстан тәуелсіздігіне 20 жыл» мерекелік медалі
• Қазақстан Республикасының Құрметті азаматы
• Махамбет атындағы халықаралық сыйлықтың лауреаты
• Махамбет ауданының Құрметті азаматы
• Маңғыстау облысының Құрметті азаматы
• Атырау облысының Құрметті азаматы
• Шығыс Қазақстан облысы Абай ауданының Құрметті азаматы
• Халықаралық экология академиясының академигі.
• Қазақстан ескерткіштерін қорғау қоғамының Құрметті мүшесі.
• Шәкәрім атындағы Семей мемлекеттік педагогика иниститутының Құрметті профессоры.
• Маңғыстау облысының және Атырау облысы Әкімдерінің арнайы Құрмет грамоталарымен марапатталған.