Әміржан Сағидрахманұлы Қосанов

Уикипедия — ашық энциклопедиясынан алынған мәлімет
Навигацияға өту Іздеуге өту
Әміржан Қосанов
Сурет
Туған күні

13 мамыр 1964 (1964-05-13) (59 жас)

Туған жері

Сапақ, Арал ауданы, Қызылорда облысы, Қазақ КСР

Азаматтығы

КСРО КСРО
Қазақстан Қазақстан

Білімі

Қазақ мемлекеттік университеті

Партиясы

КОКП (1984—1991);
ЖСДП (2006—2012)

Мансабы

саясаткер, қойғам қайраткері, журналист

Әкесі

Сағидрахман Ағыбетұлы Қосанов

Анасы

Аққыз Нағашыбайқызы Қосанова

Жұбайы

Роза Мұратқызы Қосанова

Балалары

Индира, Томирис, Ғалымжан

Әміржан Сағидрахманұлы Қосанов (13 мамыр 1964 жыл, Сапақ ауылы, Арал ауданы, Қызылорда облысы) — қазақстандық саясаткер, қойғам қайраткері, журналист.

Өмірбаяны[өңдеу | қайнарын өңдеу]

Отбасы және балалық шағы[өңдеу | қайнарын өңдеу]

1964-жылы 13-мамырда Қызылорда облысы Арал ауданының Сапақ бекетінде көпбалалы теміржолшының отбасында дүниеге келді. Руы Кете.

1981-жылы Қызылорда облысы Жаңақазалы стансасындағы №17 қазақ орта мектебін бітірді.

1981-1982 жылдар – Жаңақазалы стансасындағы  №716 құрылыс-монтаж пойызының слесарі.

1982-жылдан – ҚазМУ журналистика факультетінің студенті.

1983-1985-жылдары – Кеңес Армиясының қатарында қызмет атқарды (Мәскеу қаласы).

1985-жылы оқуын жалғастырды. Факультет комсомол комитетінің хатшысы боп сайланды. Лениндік стипендия иегері болды.

1989-жылы университетті үздік тәмамдады.

Әкесі - Сағидрахман Ағыбетұлы Қосанов. Анасы - Аққыз Нағашыбайқызы Қосанова.

Жұбайы - Роза Мұратқызы Қосанова.

Балалары - Индира, Томирис, Ғалымжан

Қызмет жолы және саяси мансап[өңдеу | қайнарын өңдеу]

  • 1989 жылдың наурызынан – республикалық «Социалистік Қазақстан» (қазіргі «Егемен Қазақстан») газетінің тілшісі.
  • 1990 жылдың маусымында балама негізде (4 үміткердің арасынан) Алматы қаласы Фрунзе (қазіргі Медеу) аудандық комсомол комитетінің біріншісі хатшысы боп сайланды.
  • Кейінірек – Қазақстан ЛКЖО Орталық комитетінің саясат бөлімінің меңгерушісі, ҚР Жастар істері жөніндегі Мемлекеттік комитетінің БАҚ-пен жұмыс бөлімінің бастығы.
  • 1993 жылдың сәуірінен – Жастар ісі жөніндегі мемлекеттік комитеті төрағасының орынбасары.
  • 1994 жылдың наурызынан – ҚР Жастар істері, туризм және спорт министрінің орынбасары[1].
  • 1994 жылдың қыркүйегінен 1997 жылдың қыркүйегіне дейін – ҚР Премьер-министрінің баспасөз хатшысы – Министрлер Кабинеті баспасөз қызметінің жетекшісі.
  • 1998 жылдың наурызынан – «Реформа» әлеуметтік-экономикалық және қоғамдық-саяси бастамалар орталығының президенті[2].
  • 1998 жылдың желтоқсанынан – Қазақстан Республикалық халықтық партиясы (ҚРХП) атқару комитеті төрағасының орынбасары.
  • 2000 жылдан – ҚРХП атқару комитетінің төрағасы, Қазақстан демократиялық күштері Форумының теңтөрағасы.
  • 2006 жылдың сәуірінен – «Әділетті Қазақстан үшін» (ӘҚҮ) қозғалысының бас хатшысы.
  • 2006 жылдың қыркүйегінен – Жалпыұлттық социал-демократиялық партиясы (ЖСДП) төрағасының бірінші орынбасары.
  • 2009–2012 жылдары - біріккен оппозициялық «АЗАТ» ЖСДП партиясының бас хатшысы[3].
  • 2012 жылдан – тәуелсіз саясаткер.

Саяси көзқарасы үшін қылмыстық айып тағылып, бір жыл бас бостандығынан шартты түрде айырылған (2003 жыл)[4].

Рұқсат етілмеген митингілер ұйымдастырып, жүргізгені үшін үш рет 15 тәулікке абақтыға қамалған.

Оның өзіне және отбасына қарсы бірнеше дүркін арандатулар мен үркіту акциялары ұйымдастырылған. 1998 жылы маска киіп, қолына шоқпар ұстаған бір топ адам түн ішінде оны үйінің маңында аяғы ауыр жұбайының көзінше аяусыз соққыға жықты. Ол ауыр жарақат алып, ауруханаға түсті[5].

2000 жылдың басында түн жамылған қаскөйлер пәтерінің есігін сыртынан бетондап кетті. Терезесіне тас лақтырды. Тіпті келесі күнге оның жаназасын тағайындап, мәйітін алып жүруге қажетті автокөлікке тапсырыс берілген, жерлеу рәсімінің ақшасы төленген!

2018 жылы әріптестерімен бірге «Жаңа Қазақстан» Форумын құрды. Оның құрамына танымал қоғам қайраткерлері енді. Бірақ Форум тіркелуден өте алмады.

2019 жылы 9 маусымда өтетін сайлау алдында Қазақстан Республикасы президенттігіне кандидат ретінде тіркелді. Сонымен қатар ол сайлауға түскендегі мақсаты жеңіс емес екенін де айтқан еді.[6]

Марапаттары[өңдеу | қайнарын өңдеу]

  • 1994-жылы Қазақ теледидарында жасаған авторлық хабарлар циклі үшін Қазақстан Жастар одағының сыйлығының лауреаты атанды.
  • Қазақстан Журналистер Одағы сыйлығының лауреаты.
  • 2002-жылы Орта-Азиялық саяси зерттеулер агенттігі оны «Жыл саясаткері» атады.
  • Мақалалары баспасөзде жиі жарияланып жүр, бірқатар республикалық басылымдарда авторлық бағаналар жүргізіп келеді.
  • Өлеңдері поэзиялық жинақтарда, әдеби журналдар мен газеттерде жарияланған.  

Дереккөздер[өңдеу | қайнарын өңдеу]

  1. ↑ Постановление Президента от 07.07.1994 № 1788 «Об изменении состава Комиссии при Президенте Республики Казахстан по вопросам помилования http://kazakhstan.news-city.info/docs/sistemsi/dok_peryzb.htm
  2. ↑ «Номад» — Казахстанские демократы не хотят платить налоги http://www.centrasia.ru/news2.php?st=1061936760 Мұрағатталған 4 наурыздың 2016 жылы.
  3. ↑ Политические итоги 2013 года. Часть 1 http://sayasat.org/articles/750-politicheskie-itogi-2013-godja-chast-1-sobytija-godja Мұрағатталған 4 наурыздың 2016 жылы.
  4. ↑ Энциклопедия спецслужб https://books.google.kz/books?id=UQvkynwXCasC&pg=PT519&lpg=PT519&dq=%D0%BD%D0%B0%D0%BF%D0%B0%D0%B4%D0%B5%D0%BD%D0%B8%D1%8F+%D0%BD%D0%B0+%D0%B0%D0%BC%D0%B8%D1%80%D0%B6%D0%B0%D0%BD%D0%B0+%D0%BA%D0%BE%D1%81%D0%B0%D0%BD%D0%BE%D0%B2%D0%B0&source=bl&ots=pJRS-09zeG&sig=ACfU3U3dKo16Y9m0MzlyNmBU65FMexiIZg&hl=kk&sa=X&ved=2ahUKEwj9nJuD3YviAhUYwcQBHfJzCroQ6AEwDHoECAcQAQ#v=onepage&q=%D0%BD%D0%B0%D0%BF%D0%B0%D0%B4%D0%B5%D0%BD%D0%B8%D1%8F%20%D0%BD%D0%B0%20%D0%B0%D0%BC%D0%B8%D1%80%D0%B6%D0%B0%D0%BD%D0%B0%20%D0%BA%D0%BE%D1%81%D0%B0%D0%BD%D0%BE%D0%B2%D0%B0&f=false
  5. ↑ Жестокое избиение пресс-секретаря https://www.neweurasia.info/archive/archives/september/repr.htm
  6. ↑ Мен халықты сатқан жоқпын


Тұлға Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.
«https://kk.wikipedia.org/w/index.php?title=Әміржан_Сағидрахманұлы_Қосанов&oldid=3203721» бетінен алынған