Геодезиялық пункттерді жергілікті жерде белгілеу және бекіту

Геодезиялық пункттерді жергілікті жерде белгілеу және бекіту. Тірек жүйелері пункттерінің ұзақ мерзім бойында беріктігін, орнының тұрақтылығын, бұзылмаушылығын қамтамасыз ету үшін әрбір тірек нүктесі жерде центрді жерге орнату арқылы бекітіледі.

Жұмыстар жүргізілетін ауданның физикалық және географиялық орнын, жергілікті жердің ерекшеліктерін, яғни центрдің түрі мен конструкциясын, сондай-ақ оның жерге орнату терендігін анықтайды. Әдетте, құрылыс салынбаған жерде геодезиялык пункт ретінде темір бетонды пилон алынады, оның жоғарғы табанының ортасына кресі бар шойын таңба қондырылған. Креспен қиылысу нүктесі геодезиялык пункттің ңентрі болып саналады, ал оның координаталары X, У, Н болады. Геодезиялық биіктік жүйелерінің пункттері грунттық қабырғалық реперлермен және маркалармен бекітіледі. Қабырғаға салынған реперлер шойын дөңгелек таңбамен белгіленеді.

Түсіру негіздеудің нүктелері уақытша белгілермен (темір казыктармен, трубалармен, ағаш бағаналармен немесе кыска казыктармен) және ішінара ұзақ мерзімдік белгілермен бекітіледі. Пункттер нүктелерді бекіткенде 1:5000 масштабтағы түсіру планның әрбір бетінің ішінде ұзақ мерзімдік белгілермен бекітілген пункттердің саны кем болмауын ескерген жөн (36-сурет). Бетоннан, ағаш және металл трубалардан жасалған түсіру пункттерінің центрлері бейнеленген.

Бұрыштық және ұзындық өлшеулер кезінде геодезиялық көршілес пункттердің арасында өзара көрінушілігін камтамасыз ету үшін, центрлердің үстіне жер бетіндегі геодезиялық белгілер орнатылады. Конструкциясына байланысты сыртқы геодезиялық белгілер турларға, пирамидаларға, қарапайым және күрделі белгілерге бөлінеді Турлар жартасқа орнатылған белгінің үстіне тастан, кірпіштен не бетоннан жасалған бағаналар. Олар таулы жерлердегі жартастың төбесіне орнатылады. Пирамидалар үш және төрт қырлы штатив түрінде болады және олардың биіктігі әдетте 5-10 м дейін жетеді.