Джан Карло Пайетта

Уикипедия — ашық энциклопедиясынан алынған мәлімет
Навигацияға өту Іздеуге өту

Джан Карло Пайетта (итал. Gian Carlo Pajetta) (24.06.1911 жыл, Турин - 13.09.1990 жыл, Рим) — итальян жұмысшы қозғалысының қайраткері, журналист.

1925 ж. Коммунистік жастар федерациясына, 1930 ж. Итальян компартиясына (ИКП) кірді. 1931 ж. Коммунистік жастардың итальян федерациясынан жастардың Коммунистік Интернационал Аткомы жанындағы өкілі болып тағайындалды. 1933 ж. тұтқындалып, 21 жыл түрмеде отыру жазасына кесілді. 1943 ж. Муссолинидің фашисттік диктатурасы құлатылғаннан кейін босатылды. Итальян халқының неміс фашистік басқыншыларына, олардың итальяндық фашистік жәрдемшілеріне қарсы ұлт-азаттық соғысы (1943— 45) кезінде П.— Пьемонттағы партизандар қозғалысын ұйымдастырушы, Солтүстік Италияны азат ету ұлттық комитетінің және Гарибальдишілдер бригадасы Бас штабының мүшесі. 1945 жылдан ИКП ОК мен Басшылығының мүшесі. 1954 жылдан ИКП Секретариатының, 1966 жылдан ИКП Саяси бюросының мүшесі. Итальян республикасы парламентінің (барлық сайланған) депутаты. 1945—47 ж. ИКП-нің орталық органы — «Унита» газетінің (Миланда шығатын) бас редакторы (директоры). 1964—66 ж. компартияның теориялық органы — «Ринашита» журналының бас редакторы[1].

Дереккөздер[өңдеу | қайнарын өңдеу]

  1. Қазақ Совет Энциклопедиясы, 9том
Ортаққорда бұған қатысты медиа файлдар бар: Category:Giancarlo Pajetta