Джоан Вайолет Робинсон

Уикипедия — ашық энциклопедиясынан алынған мәлімет
Навигацияға өту Іздеуге өту
Джоан Робинсон
ағылш. Joan Violet Robinson
Туған күні

31 қазан 1903 (1903-10-31)

Туған жері

Камберли, Суррей, Ұлыбритания

Қайтыс болған күні

5 тамыз 1983 (1983-08-05) (79 жас)

Қайтыс болған жері

Кембридж, Ұлыбритания

Азаматтығы

 Ұлыбритания

Ғылыми аясы

экономика

Жұмыс орны

Ньюнхем-колледжі

Альма-матер

Әулие Павел атындағы қыздарға арналған мектебі
Гертон-колледжі
Кембридж университеті

Ғылыми жетекші

Джон Мейнард Кейнс

Атақты шәкірттері

Амартия Сен

Марапаттары


Британ академиясының мүшесі
Америка өнер және ғылым академиясының мүшесі

Джоан Вайолет Робинсон (ағылш. Joan Violet Robinson; 31 қазан 1903, Камберли, Суррей, Ұлыбритания, — 5 тамыз 1983, Кембридж, Ұлыбритания) — ағылшын экономисі, экономикалық теорияның солшыл кейнсшілдік бағытының көшбасшысы, бәсеке теориясының негізін қалаушы. 1925 ж. Кембридж университетін бітіріп, 1931 жылдан осы университетте ассистент, экономика лекторы және профессор болып істеген. 1949 жылдан Британ корольдігі қоғамының мүшесі. 30-жылдары “кейнсшілдік үйірмеге” белсене қатысты. Робинсонның “Жетілмеген бәсекенің экономикалық теориясы” (“Economіcs of іmperfest competіtіon”) атты еңбегі неоклассиктерге қарсы жазылған алғашқы елеулі шығарма болды. Робинсон өндіріс факторлары нарығында сұраным жағында болатын монополия деген мағынаны білдіретін “монопсония” терминін енгізді. Кейінгі, әсіресе 50 — 60-жылдары жазылған бірқатар еңбектерінде неоклассикалық теорияны одан әрі сынға алды. Ол сондай-ақ жұмыспен қамтылу мәселелері, марксизмнің экономикалық теориясына сыни талдау, капиталдың қорлануы, экономикалық өрлеу, экономикалық “басбұзарлық” мәселелері, экономикалық даму және өзара тәуелділік, осы заманғы экономикалық теория мәселелері, кедейлік және дамушы елдердің артта қалуы, Қытайдағы “мәдени революция” туралы, т.б. ауқымды тақырыптарда ғылыми еңбектер жазды. Робинсон жанталаса қарулануға белсене қарсы шықты, саяси қайраткерлер мен түрлі бағыттағы экономист-теоретиктердің сындарлы диалогын жақтады.