Досымжан Қарпықұлы Таңатаров

Досымжан Қарпықұлы Таңатаров
Туған күні	6 мамыр 1975 (1975-05-06) (48 жас)
Туған жері	Жамбыл облысы Тұрар Рысқұлов ауданы
Белсенділік жылдары	1997 - осы уақыт
Мемлекет	Қазақстан
Мамандығы	әнші
Аспаптары	домбыра фортепиано
Жанрлары	Халық әндері терме эстрада эстрада оркестрінің солисті
Ұжымдары	Қазақстан Республикасы Президенті оркесторының жетекші әншісі
Қызметтес болған	Ұлықпан Жолдасов Саят Медеуов Тоқтар Серіков МузАРТ
Марапаттары	Қазақстанның еңбек сіңірген қайраткері

Досымжан Қарпықұлы Таңатаров (1975 жылы 6 мамырда Жамбыл облысы Тұрар Рысқұлов ауданында туған) — қазақстандық эстрада әншісі. Қазақстанның еңбек сіңірген қайраткері (2009). Қазақстан Республикасы Президенті оркесторының жетекші әншісі (2000 жылдан). Дарын мемлекеттік жастар сыйлығының иегері.

Толығырақ

• Досымжан Таңатаров 1975 жылы Жамбыл облысы Тұрар Рысқұлов ауданында дүниеге келген.
• Мектепті бітірген соң Жамбыл облыстық технологиялық иниститутын бітірген. Мамандығы: инженер-технолг.
• 1997 жылы Алғашқы өнер жолын композитор Бағлан Омаровтың ән студиясында ән жаздырудан бастаған.
• 2000 жылдан Қазақстан Республикасы Президенті оркесторының жеке солисті, әншісі, жетекші әншісі.

Шығармашылығы

• 2004 жылы ең алғашқы жеке шығармашылық кешін Алматыда Республика сарайында және Астана қаласында өткізді.
• Досымжан Таңатаровтың жеке ән қорында халық әндері, термелер және эстрада бағытындағы әндерден тұрады.
• "Құрала", "Шұбар ат", "Біздің елдің жігіттері", "Біз екеуміз", "Тау ішінде", "Ұмытуға бола ма?", "Әкетауым", "Аяулы анашым" және т.б көптеген әндері халыққа кеңінен таралған.
• 2016 жылы Астанада Қазақстан Орталық концерт залында "Отаным десем" атты жеке шығармашылық кешін өткізді.

Марапаттары

• 2008 жылы ҚР Үкіметінің Дарын мемлекеттік жастар сыйлығының иегері.
• 2009 жылы Елбасының жарлығымен "Қазақстанның еңбек сіңірген қайраткері" құрметті атағымен марапатталған.