Иван І

Иван Калита

Иван І, Қалталы Иван, Иван Калита (туған жылы белгісіз – 31.3.1340) – Мәскеу князі (1325 жылдан), Владимирдің ұлы князі (1328 жылдан), Мәскеу князі Данил Александровичтің баласы.

Иван І Мәскеу князьдігінің саяси және экономикалық қуатының артуына негіз қалады. Ол қаталдығымен, айлакерлігімен, ақылдылығымен және табандылығымен тарихта қалды. Алтын Орда билеушілерінің көңілін тауып, бұрын Алтын Ордаға орыс князьдіктері беріп тұратын мол салықты өзі жинап беруге қол жеткізген. Басқа князьдіктерден аяусыз мол салық жиып, Мәскеу князьдігінің күшеюіне ықпал жасаған. Иван І-нің Солтүстік-Шығыс Русь жеріне (Тверь, Псков, Новгород және т.б.) ықпалы жүрді. Салық жинаудың арқасында мол байлық жинады (оның лақап аты “калита” – “ақшалы сөмке”, “қалталы” дегеннен шыққан). Иван І салықтан жиналған мол қаржыға басқа князьдіктердің иеліктерін сатып алып, Мәскеу князьдігін күшейтуге күш салды. Иван І заманында “бүкіл Русьтің” діни басқармасы Владимирден Мәскеуге қоныс аударды, шіркеу Иван І-нің саяси және идеологиялық беделін көтерді.

Сілтемелер

• «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том