Ираклий Луарсабович Андроников
Ираклий Луарсабович Андроников (Андроникашвили) (1908-1990), орыс жазушысы, әдебиет зерттеуші. Ауызекі әңгіменің шебері. Филология ғылымының докторы. Ленинград университетін бітірген (1930). М. Әуезовпен қатар оқыған. КСРО халық артисі (1982). КСРО Мемлекеттік (1967), Лениндік (1976) сыйлықтарының лауреаты. «Әуезовтің еңбегі» деген мақаласында («Культура и жизнь», 1959, № 8) «Абай жолы» эпопеясының үлкен сыйлық алғанын шын жүректен құттықтай отырып, мұндай бірегей туындының өмірі ұзаққа баратынын, оның өлем әдебиеті тарихынан мәңгі орын алатынын атап көрсеткен. Әуезов туралы «Аңыз адам» естелігінде[1] Мұхтар Омарханұлы біздің өмірімізге тек тамаша жазушы ретінде ғана енген жоқ. Оның өр таланты - ғажайып бір құбылыс, біздің өміріміздің ұлы символы. Ол - аты аңызға айналған адам, жаңа дәуірдің данышпаны, жалынды жыршысы әрі азамат. Адам жанының небір қат-қабат қалтарысындағыны жазбай танитын зерделі ой, сергек сезім иесі, адал әрі айтып жеткізгісіз мейірбанды жан. Ол әрқайсымыз өз деңгейімізді, алға басқан қадамымызды салыстырып, мөлшерлейтін ең үлкен өлшем, биік меже еді. Ондай адамдар біздің әдебиетімізде саусақпен санағандай-ақ деп, ұлы қазақ жазушысының әлемдік мәдениет тарихындағы биік орнын мақтаныш еткен.[2]
Дереккөздер[өңдеу | қайнарын өңдеу]
- ↑ «Казахстанская правда», 1967, 8 желтоқсан; «Біздің Мұхтар», А., 1976, 32-бет
- ↑ Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |