Ирек тігісті машина
Ирек тігісті машина, зигзаг-машина (франц. zigzag - сынық сызық) - ирек тігіс жасайтын тігін машинасы; тігін, аяқкиім және галантерея өндірісінде қолданылатын тігін машиналарының бір түрі. Маталарды бір-бірімен қабыстырып тігүде, шілтер, әйелдер пальтосы астарларының ішкі, төменгі жағын, т.б. тігуде жай ирек тігісті тігін машиналары (26, 1026 класты) қолданылады. Өңдеу жұмыстары барысында күрделі суреттерді тігіп салу операцияларын, ине ауытқу мен тігілетін заттың (дайындаманың) тура не белгілі бір бағыт бойынша жылжуын түрліше үйлестіре орнатады. Ирек тігісті машинада 13 түрлі өрнекті алу бір не екі инемен орындалады. Ирек тігісті тігінді орындауда ине екі түрлі қозғалыс: жоғары және төмен, сондай-ақ тігіс сызығына көлденең оңға және солға, машина платформасының бойымен тербеледі. Жоғары және төмен қозғалысты ине кривошипті-шатунды механизмнен алады, тербелісті қозғалыс - иненің ауытқу механизмі арқылы іске асырылады.
Дереккөздер[өңдеу | қайнарын өңдеу]
Қазақстан Ұлттық Энциклопедия. 4 том. ISBN 5-89800-157-3