Йенс Леманн

Уикипедия — ашық энциклопедиясынан алынған мәлімет
Навигацияға өту Іздеуге өту
Йенс Леманн Футбол
сурет
Жалпы мағлұмат
Туған күні

10 қараша 1969 (1969-11-10) (54 жас)

Туған жері

Эссен, Солтүстік Рейн-Вестфалия, ГФР

Азаматтығы

Германия Германия

Бойы

190

Позиция

қақпашы

Клуб жайлы ақпарат
Клуб

карьерасын аяқтады

Клуб карьерасы[* 1]
1989—1998 Германия Шальке 04 274 (-228/2)
1998—1999 Италия Милан 5 (-4)
1999—2003 Германия Боруссия Дортмунд 129 (-122)
2003—2008 Англия Арсенал (Лондон) 147 (-168)
2008—2010 Германия Штутгарт 65 (-128)
2011 Англия Арсенал (Лондон) 1 (-1)
1989—2011 Барлығы 622 (-651/2)
Ұлттық құрамы[* 2]
1995—2008  Германия 61 (-41)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Йенс Леманн (нем. Jens Gerhard Lehmann; 10 қараша 1969, Эссен, Солтүстік Рейн-Вестфалия, ФРГ) — германиялық футболшы, қақпашы.

Карьерасы[өңдеу | қайнарын өңдеу]

Клубтық[өңдеу | қайнарын өңдеу]

Карьерасын 1987 жылы "Шальке" клубында бастады. 11 маусым бойы клубтың намысын қорғап, 1997 жылы УЕФА кубогын иеленді. 1998 жылғы әлем чемпионатынан соң "Миланға" өткенімен, алаңға тұрақты шыға алмай, 1999 жылдың басында "Боруссияға" өтті. Дортмудтық клуб сапында 2002 жылы Германия чемпионы атанды, еурокубоктердегі жоғары жетістігі 2002 жылғы УЕФА финалы болды. Финалда "Боруссия" "Фейеноордтан" ұтылып қалды.

2003 жылы жазда "Арсеналдан" Дэвид Симэн кетті де, орнына Леманн барды. Жаңа клубтағы алғашқы маусым ауырлау басталса да, соңында клуб бір рет те жеңілместен маусымды аяқтап Англия чемпионы атанды.

2005/06 жылғы маусым Леман үшін табыстырақ болды. Чемпиондар Лигасында финалға дейін екі гол ғана жіберді. Финалдағы "Барселонамен" ойынның 18-минутында Леманн алаңнан қуылды да, бір ойыншысы кем "Арсенал" 1:2 есебімен ұтылып қалды. Келесі маусымда Леманның осы турнирдегі гол жібермеген уақыты 853 минутқа жетіп, рекорд жасады[1].

2008 жылы жазда отанына оралып, "Шалькеге" ауысты. Екі жыл өткен соң 2010 жылы жазда карьерасын аяқтайтынын мәлімдеді[2].

2011 жылы көктемде Қақпашысының бәрі жарақат алған "Арсенал" оны қайта шақырды[3]. Леманн маусым біткенше "Арсенал" сапында өнер көрсетті. Сол жылы жазда карьерасын қайтадан біржола аяқтады.

Ұлттық құрама[өңдеу | қайнарын өңдеу]

Леманн Германияның жастар және олимпиадалық құрамасында ойнады. Негізгі құрамаға 1995 жылы шақырылғанымен, ұзақ жылдар бойы Андреас Кепке, Оливер Кан секілді қақпашылардың көлеңкесінде қалды. Тек 2006 жылы 36 жасында ғана ірі турнирге негізгі қақпашы ретінде барды. 2006 жылғы әлем чемпионатында Германия жартылай финалға дейін жетті. 1/4 финалда пенальтилер сериясында Леманн Аргентина құрамасының екі соққысын қайтарды.

2008 жылғы Еуропа біріншілігінде Германия финалға дейін жетті. Леманн барлық ойында алаңға шықты. Финалда құрама Испаниядан 0:1 есебімен ұтылды да, Леманн осы турнирден соң ұлттық құрамадағы карьерасын аяқтады.

Жетістіктері[өңдеу | қайнарын өңдеу]

Командалық[өңдеу | қайнарын өңдеу]

«Шальке 04»

  • УЕФА кубогы: 1997

«Боруссия» (Дортмунд)

  • Германия чемпионы: 2002

«Арсенал» (Лондон)

  • Англия чемпионы: 2004
  • Англия кубогы: 2005
  • Англия Суперкубогы: 2004

Германия құрамасы

  • ӘЧ-2002 күміс жүлдегері
  • Конфедерациялар кубогының күміс жүлдегері: 2005
  • ӘЧ-2006 қола жүлдегері
  • ЕУРО-2008 күміс жүлдегері

Жеке[өңдеу | қайнарын өңдеу]

  • УЕФА сауалнамасы бойынша Еуропаның үздік қақпашысы: 1996, 2006

Қатысқан тунирлері[өңдеу | қайнарын өңдеу]

  • Әлем чемпионаттары: 1998, 2002, 2006
  • Еуропа чемпионаттары: 2004, 2008
  • Конфедерациялар кубогы: 1999, 2005

Дереккөздер[өңдеу | қайнарын өңдеу]

Сілтемелер[өңдеу | қайнарын өңдеу]