Модест Петрович Мусоргский

Уикипедия — ашық энциклопедиясынан алынған мәлімет
Навигацияға өту Іздеуге өту
М.М.Петрович

Мусоргский Модест Петрович[1] (21.3.1839, Псков губерниясы Карево ауылы – 28.3.1881, Санкт-Петербург) – композитор, пианист. 1849 жылдан Санкт-Петербургте тұрып, пианист А.Геркеден сабақ алған. Кейінірек композитор М.А. Балакиревтің класында оқыды. 1852 ж. ол гвардиялық әскери мектепке түсіп, оны бітірген соң 2 жыл офицер болып қызмет атқарды. Н.А. Римский-Корсаков, В.В. Стасов, А.С. Даргомыжский сынды композиторлармен танысуы оның біржолата музыкаға бет бұруына себеп болды. 1858 ж. әскерден босап, шығармашылық жұмысқа біржола кірісті. Мусоргский алдыңғы қатарлы орыс композиторлары құрған әйгілі “Құдіретті топ” (“Могучая кучка”) шығармашылық достастығының құрамына енді. Ол музыканың ұлттық халықтық сипатын арттырып, фольклорлық мұраны игеруге ден қойды. Мусоргский шығармашылығының шыңы ретінде оның опералары танылады. “Борис Годунов”, “Хованщина” атты опералары. осы жанрдағы дүниежүзілік туындылардың інжу-маржандарынан саналады. Оларға қоса “Сорочин жәрмеңкесі” (1916, Ц.Кюи аяқтаған) атты операсы, фортепиано, оркестр, хор мен оркестр үшін жазған пьеса, интермеццо, скерцо, сюиталары мол. “Көрмедегі көріністер” деген әйгілі суреттеме сюитасын (1874), романстар мен әндерін, “Раек” музыкалық памфлетін, балаларға арналған вокалдық топтамаларын ерекше атауға болады.

Өмірі[өңдеу | қайнарын өңдеу]

Әкесі шенеунік , ал анасы музыкалық білімді пианистка болған екен. Модест 5 жасынан бастап , музыкамен айналысқан.1849 жылы ағасы екеуі Санкт-Петербургктегі неміс мектебіне оқуға барады. 1860 жылдың басында «Саламбо» операсын жазуға кіріседі. Бірақ бұл операсы белгілі бір себептермен аяқталмай қалады. Осы кезде «Калистрат» , «Колыбельная Еремушке» әндерін жазды. 1868 жылы «Борис Годунов» операсын бастап, 1872 жылы сәтті аяқтап бітірді. Осы операның қойылымы 1874 жылы болды. 1872 жылы « Хованщино » операсын бастаған болатын болатын. Бірақ бұл операны жазуға композитордың 10 жылы кетеді. 1874 жылы «Сарачинская ярмарка» операсын жазуға кіріседі. Осы жылы «Көрмедегі суреттер» фортепианалық пьеса жазып бітіреді. Оның аяқтай алмай қалған «Хованщино » операсын Римский – Корсаков аяғына жеткізеді. Денсаулығының нашарлығына байланысты композитор , 1881 жылы қараша айының 3-ші жұлдызында Санкт-Петербургкте дүниеден өтеді.

Дереккөздер[өңдеу | қайнарын өңдеу]

  • Қазақ энциклопедиясы

"Орыс музыка әдебиеті" М.И.Александров

  1. Қазақстан энциклопедиясы, VI-том