Тиагу Мотта

Тиагу Мотта
Жалпы мағлұмат
Туған күні	28 тамыз 1982 (1982-08-28) (41 жас)
Туған жері	Сан-Бернарду-ду-Кампу, Сан-Паулу штаты, Бразилия
Азаматтығы	Бразилия Италия
Бойы	187
Салмағы	83
Позиция	жартылай қорғаушы
Клуб жайлы ақпарат
Клуб	карьерасын аяқтады
Жастар клубы 1997—1999 Жувентус Клуб карьерасы 1999—2007 Барселона 96 (6) 1999—2001 Барселона Б 84 (11) 2007—2008 Атлетико Мадрид 6 (0) 2008—2009 Дженоа 27 (6) 2009—2012 Интернационале 55 (11) 2012—2018 Пари Сен-Жермен 166 (8) Ұлттық құрамы 1999 Бразилия-17 19 (1) 2003 Бразилия-23 8 (1) 2003 Бразилия 2 (0) 2011—2016 Италия 30 (1)

Тиагу Мотта (порт. Thiago Motta; 28 тамыз 1982 жыл, Сан-Бернарду-ду-Кампу, Сан-Паулу штаты, Бразилия) — италиялық және бразилиялық футболшы, жартылай қорғаушы. 2012 жылғы Еуропа чемпионатының күміс жүлдегері. Бразилиядағы италиялықтардың ртбасында дүниеге келді.

Карьерасы

Ұлттық құрама

Мотта 2003 жылы КОНКАКАФ Алтын кубогында Бразилия құрамасы сапында екі рет алаңға шықты да, қайта шақырылған жоқ. ФИФА-ның "егер футболшыда екі елдің азаматтығы болса, онда карьерасын бір рет ұлттық құраманы алмастыруға құқылы" деген ережесі бойынша 2011 жылы Италия құрамасында ойнауға шешім қабылдады.

Мотта 2012 жылы Еуропа біріншілігіне қатысты. Италия құрамасы финалға дейін жетті. Финалда Испаниямен ойында Мотта жарақат алып, алаңнан кетуге мәжбүр болды. Бұл кезде Италия бапкері ойыншы алмастыру лимитін тауысқандықтан, "скуадра адзурра" ойынның қалған бөлігін 10 адаммен өткізіп, 0:4 есебімен ұтылып қалды.

Клубтық

"Барселона" клубының түлегі саналады. "Барселонада" 2007 жылға дейін ойнап, Испания чемпионы, Чемпиондар лигасы жеңімпазы атанды. 2007 жылы клуб бірнеше жаңа ойыншылармен толықтырылды, оның үстіне Испания чемпионаты мен Чемпиондар Лигасында сәтсіз ойнап, Мотта клубтан кетуге мәжбүр болды.

2007 жылы маусым айында "Атлетико Мадрид" футболшысы атанды, бірақ жаңа маусымда жарақаттарының кесірінен алты ойында ғана алаңға шықты.

Келесі маусымды италиялық "Дженоа" клубында өткізді де, 2009 жылы жазда "Интерге" ауысты. Интер сапында 2010 жылы бірнеше турнирде топ жарды: Чемпиондар Лигасы, Италия чемпионаты, Италия кубогы, Клубтар арасындағы әлем чемпионаты. Чемпиондар Лигасының жартылай финалында бұрынғы командаластары "Барселонамен" кездесті. Миландағы ойын 3:1 есебімен "Интердің" пайдасына шешілді де, қарымта ойында Мотта алаңнан қуылды. Он ойыншы боп қалғанына қарамастан "Интер" финалға шықты. Мотта финалда ойнай алмады.

2012 жылы 31 қаңтар күні "Пари Сен-Жерменге" ауысты.

2018 жылы мамыр айында футболшы карьерасын аяқтайтынын мәлімдеді.

Жетістіктері

«Барселона»

• Испания чемпионы (2): 2004/05, 2005/06
• Испания суперкубогы (2): 2005, 2006
• Чемпиондар лигасы: 2005/06

«Интернационале»

• Италия чемпионы: 2009/10
• Италия кубогы (2): 2009/10, 2010/11
• Италия суперкубогы: 2010
• Чемпиондар лигасы: 2009/10
• Клубтар арасындағы әлем чемпионаты: 2010

ПСЖ

• Франция чемпионы (4): 2012/13, 2013/14, 2014/15, 2015/16
• Франция суперкубогы (5): 2013, 2014, 2015, 2016, 2017
• Лига кубогы (4): 2013/14, 2014/15, 2015/16, 2016/17
• Франция кубогы (3): 2014/15, 2015/16, 2016/17

Бразилия құрамасы

• КОНКАКАФ Алтын кубогының финалисі: 2003

Италия құрамасы

• Еуропа чемпионатының күміс жүлдегері: 2012

Сілтемелер

• Испания чемпионатындағы статистикалары (исп.)