УЕФА Ұлттар Лигасы

Уикипедия — ашық энциклопедиясынан алынған мәлімет
Навигацияға өту Іздеуге өту
УЕФА Ұлттар Лигасы
UEFA Nations League
Мемлекет

Еуропа (УЕФА)

Қаланған

2018 жыл

Командалар саны

55

Әрекеттегі чемпион

 Испания

Атағы ең көп

 Португалия
 Франция
 Испания (1)

Сайт

www.uefa.com

УЕФА Ұлттар Лигасы 2022/23

УЕФА Ұлттар Лигасы (ағыл. UEFA Nations League) — УЕФА аясындағы ең жаңа турнир. 2018 жылы қыркүйекте басталды.

Жаңа турнирдің мақсаты – көптеген достастық матчтарды ресми ойындарға ауыстыру арқылы футболдың құрамалар деңгейінде дамуына септігін тигізу. Сонымен қатар, деңгейі тең ұлттық құрамаларға бір-бірімен ойнауға мүмкіндік беру.

Форматы[өңдеу | қайнарын өңдеу]

Лига командалардың классын жоғарылату және төмендету қағидасын ұстанады. Алғашқы жарыста 55 қатысушы УЕФА ұлттық құрамаларының 2017 жылдың 11 қазан күнгі рейтингісі бойынша әртүрлі лигаларға бөлнеді. А лигасына ең үздік құрамалар түседі, ал D лигасында рейтингісі төмен командалар ойнйды.

Әр төрт лига үш-төрт командадан құралған төрт топқа бөлнеді. 2018 жылдың қыркүйек пен қараша айлары аралығында қатысушылар бір-бірімен өз және сырт алаңда ойнады. Осылайша, командалар халықаралық футбол күнтізбесіне сай төрт немесе алты матч өткізді.

Топ жеңімпаздарының классы жоғарылайды, ал соңғы орын алғандары келесі жарысты төменгі лигадан бастайды.

А лигасының төрт жеңімпазы 2019 жылдың маусым айында өтетін финалдық кезеңге қатысты. Онда жартылай финалдар, үшінші орын матч пен финал ойналды. Финалдық турнирдің иесі 2018 жылдың желтоқсанында УЕФА Атқарушы комитетінің отырысында төрт үздік құраманың ішінен таңдалады.

Осылайша, еуропалық құрамалар Ұлттар Лигасының жеңімпазы атағы үшін, не жоғары лигаға өту үшін, не өз лигасындағы орнын сақтап қалу үшін сынға түседі.

Еуропа чемпионаттарының іріктеуі[өңдеу | қайнарын өңдеу]

Еуропа біріншіліктері турнирінің іріктеу кезеңі аса қатты өзгермейді, бірақ ол бұрынғыдай үлкен жарыстардың финалдарынан кейін қыркүйек айында емес, наурызда басталады.

ЕУРО турнирінің финалдық кезеңінің соңғы төрт жолдамасын УЕФА Ұлттар Лигасында өз топтарын жеңген 16 құрама қатысатын плей-офф жеңімпаздары иеленеді.

Егер ол командалардың біреуі ЕУРО-ға іріктеу турнирі арқылы шығып қойса, оның өтпелі матчтарға жолдамасы дивизиондағы келесі үздік командаға беріледі. Егер дивизионда керек төрт команда жиналмаса, ол орындарды Ұлттар Лигасындағы жалпы рейтингісіне сай төменгі дивизионның командалары иеленеді.

Әр дивизионда өзінің плей-офф кезеңі болады. Онда екі жартылай финалдық кездесу мен финал ойналады. Әр кезеңнің жеңімпазы ЕУРО турнирінің жолдамасына ие болады.

2018/19 маусым[өңдеу | қайнарын өңдеу]

Толық мақаласы: УЕФА Ұлттар Лигасы 2018/19

Алғашқы маусымның беташар кездесуі Астанадағы "Астана Арена" стадионында өтіп, Қазақстан-Грузия құрамалары кездесті. Ойынның 69 минутында есеп ашқан грузиялық Георги Чакветадзе аталмыш турнирдің тұңғыш голының авторы ретінде тарихқа енді. Бұл кездесуде Грузия құрамасы 2:0 есебімен жеңіске жетті.

Жеңімпаздар[өңдеу | қайнарын өңдеу]

Жыл Өткізілу орны Финалдық матч Қола үшін матч
1-ші орын Есеп 2-ші орын 3-ші орын Есеп 4-ші орын
2018/19 Португалия Португалия Португалия 1-0 Нидерланд Нидерланд Англия Англия 0-0 пен.6-5 Швейцария Швейцария
2020/21 Италия Франция Франция 2-1 Испания Испания Италия Италия 2-1 Бельгия Бельгия
2022/23 Нидерланд  Испания 0-0 (пен 5-4)  Хорватия  Италия 3-2  Нидерланд

Сілтемелер[өңдеу | қайнарын өңдеу]