Умм-Каср

Умм-Каср қаласы (Ирак) – Ирактың оңтүстігіндегі портты қала .

Парсы шығанағына апаратын Абуллах бұғазының сағасында орналасқан. Халық саны 45-47 мың адам (2003 жылғы халық санағы бойынша). Қалада 82 көше бар, әр көшеде 72 үй бар. Ирак соғысына дейін қалада 13 бастауыш мектеп (ер балаларға 4және қыз балаларға 4-еуі арналған, 5 аралас мектеп) және 5 орта мектеп (екеуі ер балаларға, біреуі ер балаларға арналған кешкі және екеуі қыз балаларға арналған мектеп) болған. Умм-Касрдан 1,5 км қашықтықта АҚШ-тың Кэмп-Букка әскери лагері орналасқан. Қала жайындағы алғашқы деректер 1903 жылға жатады. Әдепкіде қала шағын балық аулайтын қоныс ретінде болғандықтан, онша танымал болмаған. Ирак королі ΙΙ Фейсал осы жерге тұрақты порт салуды шешкенде қала дами бастады. Бірақ 1958 жылы корольді тақтан тайдырғаннан кейін портты салу кейінге шегеріледі. Ирак соғысы кезінде қала кең танымал болды. Аймақтың бақылауын қолға алу үшін екі жақтың әскері көп шайқасты. Умм-Касрды жаулау үшін АҚШ әскеріне бір апта уақыт кетті.