Хавьер Эрнандес

Уикипедия — ашық энциклопедиясынан алынған мәлімет
Навигацияға өту Іздеуге өту
Хавьер Эрнандес Футбол
сурет
Жалпы мағлұмат
Толық аты

Хавьер Эрнандес Балькасар

Лақап аттары

Чичарито (ис. Chicharito), Chicha

Туған күні

1 шілде 1988 (1988-07-01) (35 жас)

Азаматтығы

Мексика

Бойы

175[1][2]

Салмағы

71[1]

Позиция

шабуылшы

Клуб жайлы ақпарат
Клуб

Мексика Гвадалахара

Жастар клубы
1997—2005 Мексика Гвадалахара
Клуб карьерасы[* 1]
2005—2010 Мексика Гвадалахара 64 (26)
2005—2008 Мексика Тапатио 45 (11)
2010—2015 Англия Манчестер Юнайтед 103 (37)
2014—2015  Испания Реал Мадрид 23 (7)
2015—2017 Германия Байер 04 54 (28)
2017—2019 Англия Вест Хэм Юнайтед 55 (16)
2019—2020 Испания Севилья 9 (1)
2020—2023 Америка Құрама Штаттары Лос Анжелес Гэлакси 74 (38)
2004— Мексика Гвадалахара
Ұлттық құрамы[* 2]
2007—2009 Мексика Мексика-20 5 (1)
2009—2019  Мексика 109 (52)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Хавьер Эрнандес Балькасар (ис. Javier Hernández Balcázar; 1 маусым 1988 жыл, Гвадалахара, Мексика), Чичарито (ис. Chicharito) есімімен де танымал — мексикалық футболшы, шабуылшы.

Карьерасы[өңдеу | қайнарын өңдеу]

Карьерасын "Гвадалахара" клубында бастаған. Алғашқы ойынын 2006 жылы Апертура турнирінде "Некакса" клубына қарсы өткізді. 87-минутта алаңға шығып, бес минуттан соң командасының төртінші голын енгізді.

2010 жылы "Манчестер Юнайтедке" ауысты да, алғашқы ресми голын 8 тамыз күні Англия Суперкубогы матчында "Челсидің" қақпасына соқты. Ал Англия чемпионатындағы алғашқы голын 16 қазан күні "Вест-Бромбичтің" қақпасына енгізді. Бұл ойын 2:2 есебімен тең аяқталды. Маусым соңында манкуниандықтар Англия чемпионы атанды.

2014 жылы жазғы ауысымдар маусымы жабылатын күні "Реалға" өтті. Бірақ мадридтік клубтағы негізгі құрамға деген бәсекелестіктің көптігінен көбіне қосалқы құрамда қалды да, 2015 жылы ойын практикасын қайта жетілдіру үшін Германияның "Байеріне" ауысты.

2017 жылы жазда Тұманды Альбионға қайта оралып, "Вест Хэмге" ауысты. Келісім шарт мерзімі 2020 жылға дейін.

Ұлттық құрамадағы алғашқы кездесуін 2009 жылы 30 қыркүйекте Колумбияға қарсы өткізді. Тұңғыш голын 2010 жылы 24 ақпан күні Боливияның қақпасына енгізді. Хавьер құрамамен бірге 2010 жылғы әлем чемпионатына барды, топтық турнирдің екінші турында Францияның қақпасына гол соғып, есеп ашты. Бұл ойында мексикалықтар 2:0 есебімен жеңіске жетті. 1/8 финалда Аргентинаның қақпасына да бір доп енгізді, бірақ бұл кездесуде Мексика 1:3 есебімен ұтылып қалды. 2014 жылы да Хавьер әлем чемпионатына қатысты, соңғы турда Хорватияның қақпасына бір доп енгізді (3:1).

Жетістіктері[өңдеу | қайнарын өңдеу]

Командалық[өңдеу | қайнарын өңдеу]

Мексика Гвадалахара

  • Мексика чемпионы: Апертура 2006
  • Интерлига чемпионы: 2009

Англия Манчестер Юнайтед

  • Англия чемпионы (2): 2010/11, 2012/13
  • Англия суперкубогы: 2010

Испания Реал Мадрид

  • Клубтар арасындағы әлем чемпионаты: 2014

Испания Севилья

  • Еуропа лигасы: 2019/20

Мексика Мексикa

  • КОНКАКАФ Алтын кубогы: 2011

Жекелей

  • Мексика құрамасының үздік мергені: 48 гол
  • Мексика Примеросының үздік мергені: 2010
  • Сэр Мэтта Басби жүлдесінің иегері: 2010/11
  • КОНКАКАФ Алтын кубогының үздік мергені: 2011
  • КОНКАКАФ Алтын кубогының үздік футболшысы: 2011

Қызықты деректер[өңдеу | қайнарын өңдеу]

Хавьердің нағашы атасы Томас Балькасар 1954 жылғы әлем біріншілігінде Мексика сапында ойнап, Франция қақпасына гол соққан. 2010 жылы жиен немересі оның сол ерлігін қайталап, Юго Льористі қапы қалдырды.

Дереккөздер[өңдеу | қайнарын өңдеу]

  1. a b Player Profile. Javier Hernandez  (ағыл.). PremierLeague.com. Басты дереккөзінен мұрағатталған 14 маусым 2013.
  2. Squad Profiles. Javier Hernandez  (ағыл.). BBC Sport. Басты дереккөзінен мұрағатталған 14 маусым 2013.