Халықаралық конференциялар
Халықаралық конференциялар - мемлекеттер мен халықаралық ұйымдар өкілдерінің белгілі бір мәселелерді талқылау, бірлескен шешімдерді әзірлеп қабылдау, ақыл-кенестер беру үшін өткізілетін халықаралық жиындары. Халықаралық конференциялар әр түрлі: конференциялар, конгрестер, кеңестер, коллоквиумдар, форумдар, т.б. Олар үкіметаралық және бейүкіметтік, әмбебап (дүниежүз.) және аймақтық конференциялар болып бөлінеді; оларды бір немесе бірнеше мемлекет не халықаралық ұйымдар шақырады. Халықаралық конференцияларды, әдетте қабылдаушы мемлекеттің не шақырушы ұйымының өкілі ашады. Рәсімдеу ережелін, қаржыландыру мәселелерін, жұмыс тілі мен ресми тілдердің қолданылуын, хатшылықтың жұмыс істеу ережелерін, басқа да ұйымдастыру мәселелерін халықаралық конференциялардың өздері шешеді.Халықаралық конференциялар шешімдері конференция айқындаған тәртіп бойынша: қарапайым көпшілік дауыспен немесе басып көпшілік дауыспен, дамуыс бермей-ақ бәтуаласу жолымен қабылданады; БҰҰ-ның қамқорлығымен өткізілетін халықаралық конференциялар әдетте БҰҰ Бас Ассамблеясы рәсімінің ережелерін басшылыққа алады.
Дереккөздер[өңдеу | қайнарын өңдеу]
Қазақстан ұлттық энциклопедия. 9 том. Алматы, 2007.