Халықаралық құқықтық мойындау
Халықаралық құқықтық мойындау - халықаралық құқықта мемлекеттердің жаңа мемлекеттерді немесе үкіметтерді не басқа да субъектілерді олармен ресми немесе бейресми, толық немесе ішінара, тұрақты немесе уақытша қатынастар орнату мақсатымен мойындауы. Халықаралық құқық көбінесе мемлекеттің жаңа мемлекетпен дипломатиялық қатынастар орнату немесе оған келісім беру ниетін білдіу жолымен мойындалады. Халықаралық құқықтық мойындаудың алуан түрлері бар. Олар көтеріліске шыққан немесе соғысушы, жауласушы тараптың мемлекетін,үкіметін, ұлттық қозғалыс органдарын, қарсыласу органдарын мойындау. Нысанына қарай халықаралық құқықтық мойындау 2 ге бөлінеді: 1) Дәстүрлі түрде заң жүзінде мойындау, яғни түпкілікті ресми халықаралық құқықтық мойындау. Мұнда мойындаушы мемлекеттің мойындалатын тараппен толық көлемде дипломатиялық қатынастар орнатуға дайын екені айтылады. 2) Іс жүзінде Халықаралық құқықтық мойындау бұл да ресми сипатта болып келеді. Бірақ заң жүзінде мойындаудан саяси және экономикалық деңгейі мен көлемі шектеулі.
Дереккөздер[өңдеу | қайнарын өңдеу]
Қазақстан ұлттық энциклопедия. 9 том. Алматы, 2007.