Чехословакия коммунистік партиясы
Чехословакия коммунистік партиясы - чех, словак, мажар және закарпат-украин коммунистік топтары мен ұйымдарын біріктіру жолымен 1921 жылы мамыр айында құрылған Чехословакия социал-демократиялық партиясы.
Құрылуы[өңдеу | қайнарын өңдеу]
Чехословакия коммунистік партиясын құру туралы шешім 1921 жылы 14 мамыр – 16 мамырда Прагада өткен Чехословак социал-демократиялық (солшыл) партиясы съезінде қабылданды. Бұл съезд тарихқа Чехословакия коммунистік партиясының Құрылтай съезі ретінде енді. Съезд Чехословакия коммунистік партиясының Коминтернге кіруі туралы шешім қабылдады. 1921 жылы 30 қазан – 4 қарашадағы Бірігу съезінде Чехословакия коммунистік партиясы елдегі неміс және поляк коммунистік ұйымдары қосылды. Чехословакия коммунистік партиясының жарғысы қабылданды. Оңшыл оппортунистер мен жойымпаздарға қарсы күресте Чехословакиялық коммунистік партиясы 5-съезінің (1929) айтарлықтай маңызы болды. Партияға К. Готвальд бастаған маркстік-лениндік қайраткерлік жетекшілік етті.
Социализм жеңісі[өңдеу | қайнарын өңдеу]
Чехословакия коммунистік партиясы 9-съезі (1949) елде социализм орнатудағы партияның сара жолын белгіледі. Коммунистік партияның 10-съезі (1954) партияның сара жолының дұрыстығын дәлелдеп, 1-бесжылдық жоспарды (1949 – 53) орындаудың нәтижесінде елде социалистік қоғамның берік негізі қаланғанын, елдің экономикасында социалистік сектор шешуші орын алатынын атап өтті. Съезд Чехословакиялық коммунистік партиясынің жаңа жарғысын бекітті. Социалистік құрылыс барысында ЧКСР еңбекшілері Чехословакиялық коммунистік партиясы басшылығымен үлкен жеңіске жетті.[1][2]