Эдмонтозавр динозавры (лат.Edmontosaurus — кейінгі Бор дәуірінде өмір сүрген. Оның басты қорегі өсімдіктер. Құйрығы ұзын, алдынғы аяқтары қысқа, артқы аяғында тұяғы бар динозаврды үйрекке ұқсатуға болады. Себебі оның тұмсығы үйректің тұмсығындай шошайып шығып тұрады. Ауыз қуысы ұрт қалтары мен бір- біріне жақын орналасқан ірілі-ұсақты жүздеген тістен тұрған. Сол көп тісітерімен кез келген қатты затты ұсақтай алған. Басы жалпақ динозаврдың тұмсығында ешқандай тіс болмаған. Ұзындығы шамамен 13 метр, салмағы 3,5 тоннаға жуық. Әдетте екі аяқпен жүріп, қажет кезінде төрт аяғымен тұра алады. Ғалымдар эдмонтозавр қорғансыз жануар болғанын айтады. Дегенмен ол өзіне төнген қауіпті алыстан сезіп, жыртқыштардан алдын-ала сақтануға тырысқан. Эдмонтозаврдың мұрнының айналасында созылғыш тері қабаты болған.
