Юрген Клопп

Юрген Клопп
Жалпы мағлұмат
Толық аты	Юрген Норберт Клопп
Туған күні	16 маусым 1967 (1967-06-16) (56 жас)
Туған жері	Штутгарт, ГФР
Азаматтығы
Бойы	194 см
Позиция	шабуылшы
Клуб жайлы ақпарат
Клуб	Ливерпуль
Қызметі	бапкер
Жастар клубы 1972—1983 Глаттен 1983—1986 Эргенцинген Клуб карьерасы 1986—1987 Эргенцинген ? (?) 1987 Пфорцхайм 4 (0) 1987—1988 Айнтрахт (Франкфурт) II ? (?) 1988—1989 Виктория (Зинлинген) ? (?) 1989—1990 Рот-Вайсс (Франкфурт) ? (?) 1990—2001 Майнц 05 325 (52) Бапкерлік карьерасы 1988 Айнтрахт (Франкфурт) 2001—2008 Майнц 05 2008—2015 Боруссия Дортмунд 2015— Ливерпуль

Юрген Норберт Клопп (нем. Jürgen Norbert Кlopp; 16 маусым 1967 жыл, Штутгарт, ГФР) — неміс футболшысы, футбол бапкері. Англияның «Ливерпуль» командасының бапкері.

Карьерасы

2001 жылға дейін Германияның бірнеше клубтарында ойнап, "Майнц-05" клубында өнер көрсетіп жүрген жерінен карьерасын аяқтады да, бапкерлік қызметін дәл осы клубтан бастады. Бапкер бола жүріп, Германия телеарналарының бірінде футбол сарапшысы боп та жұмыс жасады.

2008-15 жылдары "Боруссия Дортмунд" командасын баптап, клубты біраз күшейтті. Осы аралықта "Баварияға" лайықты қарсылас бола біліп, екі рет Германия чемпионы атанды. Тек бір ғана биіктік — УЕФА Чемпиондар Лигасын ала алмады. 2013 жылы Чемпиондар Лигасының финалына жетіп, дәл сол "Бавариядан" 1:2 есебімен ұтылып қалды.

2014/15 маусымда "Боруссия" жүлдесіз қалды да, Клопп командадан кетті. Сол жылы күзде "Ливерпульдің" тізгінін ұстады. Мерсисайдтық клубтың ойыны оңалғанымен тағы да еурокубоктерде соңғы сәттерде ғана сүрініп жатты, 2016 жылы Еуропа Лигасының финалында "Севильядан", 2018 жылы Чемпиондар Лигасының финалында "Реалдан" ұтылып қалды.

2019 жылы бәрібір "Ливерпуль" финалда "Тоттенхэмді" ұтып, УЕФА Чемпиондар Лигасының жеңімпазы атанды.

2024 жылдың 26 қаңтарында Юрген Клопп 2023-2024 футбол маусымы аяқталғанда өз қызметін босататынын мәлімдеп, Англиядағы 9 жылдық еңбегін аяқтап, кейінгі уақытын өзіне және отбасына арнайтынын айтқан болатын.

Жетістіктері

Командалық (бапкер ретінде)

«Боруссия» Дортмунд

• Германия чемпионы (2): 2010/11, 2011/12
• Германияның вице-чемпионы (2): 2012/13, 2013/14
• Германия кубогы (1): 2011/12
• Германия кубогының финалисі (2): 2013/14, 2014/15
• Германия суперкубогы (2): 2013, 2014
• Германия Суперкубогының финалисі (2): 2011, 2012
• УЕФА Чемпиондар Лигасының финалисі (1): 2012/13

«Ливерпуль»

• УЕФА Еуропа Лигасының финалисі (1): 2015/16
• Футбол лигасы кубогының финалисі (1): 2015/16
• УЕФА Чемпиондар Лигасының финалисі (1): 2017/18
• УЕФА Чемпиондар Лигасының жеңімпазы (1): 2018/19
• УЕФА Суперкубогы: 2019

Жеке

• Германиядағы жылдың үздік сарапшысы (HERBERT-Award) (3): 2007, 2009, 2011
• Германиядағы жылдың үздік бапкері (2): 2011, 2012
• Англиядағы қыркүйек айының үздік бапкері: 2016

Сілтемелер

• Ливерпул ФК сайтындағы профилі