Қуыршақ (биология)

Қуыршақ — толық өзгеріспен дамитын жәндіктердың дернәсілден соңғы жекелей даму сатысы. Қуыршақ сатысында жәндіктер қимылсыз және қоректенбейді. Қуыршақта жүріп жаткан қаркынды өзгерістердің нәтижесінде, жәндік дернәсілден ересек сатысы имагоға айналады; бұл өзгерістер барысында дернәсіл сатысына тән бірталай ішкі мүшелер ыдырап жойылады да, олардың орнына жаңадан, ерекше ұрық бөліктерінен, имагиналдық дискалардан, жаңа мүшелер жаратылады. Қуыршақ сатысы 6—10 күннен бірнеше айларға, (егер қуыршақ диапаузаға түссе) созылады. Куыршақтың 3 типі белгілі. Еркін, (ашық) куыршақтың қанаттары, мұрттары және аяқтары денесіне жанасқанмен бос орналасқан, (М., торқанаттыларда, жарғақ қанаттыларда, көптеген қоңыздарда), ручейниктер мен верблюдкалар аяқтарымен белсенді қимылдайды. Жабық куыршақтардың аяқтары, мұрттары және қанаттары ортақ қабыршақпен қапталған, (М., көбелектерде, ұзын мұрттыларда және қысқа мұртты қос қанаттыларда), олар қимылсыз. Қуыршақтануы піллэда өтеді. Жасырын немесе бөчке тәрізді қуыршақтар, соңғы дернәсілдік сатысында түлеген кезде сыртқы жабынын тастамайды.