Әбу Таийб әл-Мутанабби

Уикипедия — ашық энциклопедиясынан алынған мәлімет
Навигацияға өту Іздеуге өту

Мүтәнәбби әл-Мутанабби Әбу-т-Тайиб Ахмед ибн әл-Хусейн (915, Куфа – 965, Нумания маңы) – араб ақыны. Су тасушының отбасында туған. Жасынан халқының көне әдебиетін жетік біліп өскен[1]. Мүтәнәбби өз шығармаларында араб поэзиясының жетекші жанрларын түгел дерлік қамтыды. Ақын өзінің мадақ (мадх) жырларында әміршілерді дәріптеу салтын ұстанбай, ел бірлігі, ұлттық рух туралы ойларын насихаттады, ел қорғаны боларлық азамат бейнесін сомдады. Асқақ сезімге, романтикаға толы (фахр) жырларында билікке, байлыққа бас ұрмайтын ер тұлғалы, өр рухты ақын бейнесін жасады. Лирика, ғазал, сатира (хиджа), жоқтау (риса) жанрларында да озық туындылары бар. Мүтәнәбби поэзиясының шыңы философия өлеңдері болды. Мұндай жырларында адамның мінез-құлқы, іс-әрекеті, қоғамда алар орны, өмір мен өлім мәселесі, тағы басқа туралы толғанады. Тілге оралымды, терең мағыналы Мүтәнәбби поэзиясы өзіне дейінгі классикалық араб әдебиеті дәстүрін жалғастырды. [2]

Дереккөздер[өңдеу | қайнарын өңдеу]

  1. Ayyıldız, Esat (2020), "el-Mutenebbî’nin Seyfüddevle’ye Methiyeleri (Seyfiyyât)", BEÜ İlahiyat Fakültesi Dergisi , 7 (2) , 497-518 . DOI: 10.33460/beuifd.810283
  2. "Қазақ энцклопедиясы - VI"