Әздембай Сал Көтербайұлы

Әздембай Сал, Әздембай Көтербаев (1836, қазіргі Шортанды ауданы — 1918) — төкпе ақын, әнші-композитор.

Руы — Қыпшақ. Балуан Шолақ, Ғазиз, Жаяу Мұсалармен үзеңгілес болған. Әздембай Салдың өзі, өмір туралы, жақсы мен жаман, адалдық пен арамдық туралы толғаулары ел аузында мол сақталған. Ол айтысқа да түскен. «Өзім туралы» деген толғауында ата тегін Аспантай, Саңырық абыз, Жансалы, Көтербай деп тарата келіп, олардың бәрі де тілге шешен, жүйрік екенін, өзінің де коңыр сазды әншілігі бар екенін айтады.

Әздембай Салдың өзі шығарған әндері көп болған. Оның шығармалары халық өміріне, болыс пен бидің қорлық-зомбылығын әшкерелеуге байланысты туындаған. Ол негізінен өзінің жүдеу-жадау тіршілігі туралы жазды. Шығармалары ұрпақтан-ұрпаққа таралып, қазіргі әншілердің орындауларында айтылып жүр.

Оның қолжазбалары Қазақстан Республикасының Ұлттық ғылым академиясы Орталық ғылым кітапханасының қолжазбалар қорына өткізген. Әздембай Сал мұрасы жайыңда С. Мұқанов, О. Мәденов, Г. Сұлтанғалиева қалам тартқан.