Манарбек Кадылғумарұлы Сапарғалиев

Манарбек Кадылғумарұлы Сапарғалиев 1963 жылы 19 шілдеде Шығыс Қазақстан облысы Ұлан ауданының Огнёвка кентінде туған. Қазақ. Алматы халық шаруашылық институтының қаржы-экономикалық факультетін (1988) экономист мамандығы бойынша; Орталық Азия университетінің құқықтану факультетін (2001) заңгер мамандығы бойынша бітірген. «Нұр Отан» ХДП мүшесі (2000 жылдан). 1988 жылдан - Алматы қаласы Фрунзе ауданының Мемлекеттік сақтандыру инспекциясының бас экономисі, 1989 жылдан - даму бөлімінің бастығы, 1990 жылдан - испекция бастығының орынбасары, 1991 жылдан - инспекция бастығы. 1992 жылдан - Алматы қаласындағы жинақ банкінің №6217 Фрунзе бөлімшесі бастығының орынбасары. 1996 жылдан - Алматы қаласындағы «Арал» шипажайының вице-президенті. 1997 жылдан - Алматы қаласы әкімінің аппаратында Экономика комитеті төрағасының орынбасары. 1999 жылдан - Алматы қаласы Алмалы ауданы әкімінің орынбасары. 2001 жылдан -Алматы қалалық Мемлекеттік сатып алулар департаменті директорының бірінші орынбасары. 2005 жылдан - Алматы қаласы Бостандық ауданы әкімінің орынбасары. 2006 жылдан - Шығыс Қазақстан облысы Өскемен қаласы әкімінің бірінші орынбасары, қала әкімі. 2007 жылдан - ҚР ТЖМ қаржы басқармасының бастығы. 2009 жылдың қаңтарынан - Алматы қаласы Бостандық ау- даны әкімінің орынбасары. 2009 жылдың қазанынан бері - Шығыс Қазақстан облысы Тарбағатай ауданының әкімі. «Ерен еңбегі үшін» (2001), «Қазақстан Конституциясына 10 жыл» (2005) медальдарымен марапатталған. Әскери атағы - запастағы лейтенант. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Бейбітшілік, келісім, әрбір үйдегі молшылық». Хоббиі - спорт, балық аулау, аңшылық. Сүйіп оқитын әдебиеті - тарихи әдебиет. Үйленген. Жұбайы - Сапарғалиева Сәуле Мысырқызы, же- ке кәсіпкер. Ұлы - Сапарғалиев Рүстем (1985 жылы туған).