Айдарбек Сейпелұлы Сапаров

Айдарбек Сейпелұлы Сапаров 1966 жылы 12 маусымда Солтүстік Қазақстан облысы Булаев ауданы Красное ауылында туған. Қазақ. Омбы ауыл шаруашылығы институты зоотехника факультетін (1992) зооинженер мамандығы бойынша; М. Қозыбаев атындағы Солтүстік Қазақстан мемлекеттік университетінің мемлекеттік және жергілікті басқару факультетін (2006) «Мемлекеттік басқару» мамандығы бойынша бітірген. Қазақ және орыс тілдерін біледі. 1983 жылдан - Солтүстік Қазақстан бухгалтерлер мектебінің оқушысы (Петропавл қаласы). 1984 жылдың тамызынан - Калинин атындағы кеңшардың есөпшісі (Солтүстік Қазақстан облысы Булаев ауданы Надежка ауылы). 1984 жылдың қазанынан - Кеңес Әскерінің қатарында қызметте. 1987 жылдан - Омбы ауыл шаруашылығы институтының студенті. 1992 жылдан- Калинин атындағы ҚС таратушы зоотехнигі, коммерциялық директоры (Солтүстік Қазақстан облысы Булаев ауданы Надежка ауылы). 1995 жылдан - «Ноғайбай» ЖШС директоры, бас директоры (Петропавл қаласы). 2003 жылдан - «Азық-түлік корпорациясы АҚ» Солтүстік Қазақстан облыстық өкілдігі директорының орынбасары, 2005 жылдан - бірінші орынбасары (Петропавл қаласы). 2006 жылдың наурызынан - ҚР Ауыл шаруашылығы министрлігі Солтүстік Қазақстан облысы бойынша облыстық аймақтық басқармасының бастығы, 2006 жылдың қыркүйегінен - облыстық аймақтық инспекциясының бастығы (Петропавл қаласы). 2006 жылдың қарашасынан - Солтүстік Қазақстан облысы Шал ақын ауданының әкімі. 2008 жылдан - Солтүстік Қазақстан облысы Мағжан Жұмабаев атындағы ауданының әкімі. 2010 жылдың сәуірінен бері - Солтүстік Қазақстан облысы әкімінің ауыл шаруашылығы жөніндегі орынбасары. «Құрмет» ордөнімен (2008), «Астананың 10 жылдығы» медалімен (2008) марапатталған. Үйленген. Жұбайы - Сапарова Ботагөз Кенжебайқызы (1971 жылы туған), «Сейпіл» КШ басшысы. Ұлдары - Сапаров Нұрсұлтан (1992 жылы туған), Сапаров Айсұлтан (1995 жылы туған); қызы - Сапарова Сұлушаш (1993 жылы туған).