Ринат Ильтайұлы Мусин

Ринат Ильтайұлы Мусин - 1961 жылы 25 қарашада Қарағанды қаласында туған. Әкесі - Мусин Ильтай. Анасы - Мусина Эркия. А. Селезнев атындағы Алматы хореографиялық училищесін балет бишісі мамандығы бойынша (1980); А.В. Луначарский атындағы Мәскеу театр өнері институтын педагог- хореограф мамандығы бойынша (1989) бітірген. Қазақ, орыс, татар және түрік тілдерін біледі. 1980 жылдан - Мемлекеттік классикалық би ансамблінің балет әртісі. «Болеро», «Қыз Жібек», «Гамлет», «Кармен-сюита», «Шыңғысхан» және т.б. спектакльдерінде өнер көрсетеді. «Несібелі» («Қазақфильм» киностудиясы) көркем фильміне түскен. ҚР Еңбек сіңірген әртісі (1996). Діни көзқарасы - барлық діндерге құрметпен қараймын. Саяси қайраткер ретіндегі идеалы - Н.Ә. Назарбаев, И.Н. Тасмағамбетов. Қазақстанның болашағы туралы болжамы - «Бақытты өркениетті ел». Сүйіп оқитын әдебиеті - А.П. Чехов, А.С. Пушкин. Қызы - Мусина Гүзәл; ұлы - Мусин Рафаэль.