Әділ Ермеков

Уикипедия — ашық энциклопедиясынан алынған мәлімет
Навигацияға өту Іздеуге өту

Әділ Ермеков (5. 5. 1908 жылы туған, Батыс Қазақстан облысы, Жымпиты ауданы — 23. 12. 1976, Шымкент қаласы) — тіл білімі маманы, филология ғылым кандидаты (1950).


Абай атындағы Қазақ мемлекеттік педагогика институтын бітірген (1936). 1936—1938 ж. Түрікмен КСР-і, Мары қаласындағы педтехникумда оқытушы. 1938-1952 ж. Шымкент педагогика институтында декан, директордың орынбасары, институт директоры.

1952-1954 ж. ҚазКСР Оқу министрлігінің жанындағы педагогика ғылымдарының ғылым-зерттеу институтының, 1954-1963 ж. Қызылорда педагогика институтының директоры. 1963 жылдан бастап өмірінің соңғы күндеріне дейін Шымкент педагогика институтында қазақ тілі кафедрасының меңгерушісі болды. ҚазКСР ғылым академиясының академигі, профессор Н. Т. Сауранбаевтың жетекшілігімен "Қазақ тілі лексикасындағы біріккен сөздердің семантикасы" деген тақырыпта кандидаттық диссертация қорғады. 30-дан аса ғылыми мақалалардың авторы. КСРО-ның бірнеше медальдарымен марапатталған.

Шығармасы:[өңдеу | қайнарын өңдеу]

  • Семантика слитных слов в казахской лексике. АКД., А., 1950;
  • Әліппені оқытуға көмекші құрал. А., 1955 (авторлардың бірі);
  • Қазақ тілі. Учебники казахского языка для V—VII классов русских школ. А., 1953 (авторлардың бірі);
  • Учебник русского языка для 9-10 классов казахских школ. Ч. 2. А., 1956 (авторлардың бірі);
  • Грамматикалық талдау. Орта және 7 жылдық мектеп мұғалімдеріне көмекші құрал. А., 1958.[1]

Дереккөздер[өңдеу | қайнарын өңдеу]

  1. Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3