Қойшыбек Ысқақұлы Мамақов

Қойшыбек Ысқақұлы Мамақов (1945 – 19.8.1992) – суретші, Қазақстан суретшілер Одағының мүшесі (1970). Алматы өнер училищесін бітірген (1968). Мамақов өз шығармаларында белгілі бір ойды қорыта отырып, әсемдік пен күшті айқындауға, туған жер табиғатын бейнелеуге ұмтылды. «Амангелді отряды», «Ғани Мұратбаев», «Қызылдар келді» атты шығармалары жеке тарихи тұлғаларға арналса, «Қыз қуу», «Көкпар», «Бәйге» сияқты суреттері ұлттық нақышпен салынған. Оның еңбектері халықтың өткен өмірі мен тарихи жағдайларды байланыстыра отырып суреттейді. Туындыларында көбіне бояулар бірте-бірте өзгеріп әр түрлі рең беріп тұрады. Жұмыстары музейлерде, жеке жинақшылардың иелігінде сақтаулы.