Файлды жою

Файлды жою (Удаление файла; file delete) — 1) файлды каталогтан кетіру процедурасы. Оны жою операциялық жүйенің стандартты құралдары арқылы орындалады. Мысалы, дербес ӀВМ-үйлесімді компьютерлерде файлды жою Norten commander (NC) қоршамында шоқ пернелер көмегімен орындау қолайлы. Файлды жою үшін NC-тің активті тақтасына жолына қажетті файл аты жазылған түрлі- түсті маркерді орнатып <Ғ8> пернесін басса болғаны. Файлдар тобын жою үшін жойылатын файлдарды белгілеп, <Ғ8> пернесін басу қажет. Бүдан кейін экранда "The following file will be DeleteD" ("Келесі файл жойылатын болады") деген ескертуі бар терезе мен Delete (жою), Аll(барлығы), Skip (секіру), Cancel (болдырмау) бөлімдері бар меню пайда болады. Delete пунктін таңдағанда, келесі файл жойылады. All пунктін тандаса, барлық файлдар жойылады. Skip пунктін тандаса, келесі файлдан секіреді, ал Cancel пунктін тандаса немесе <ESC> пернесін басса, келесі жойылулар тоқтатылады. MS-DOS операциялық жүйесінде Файлды жою дегеніміз — мәліметтерді тасуыштан оны физикалық өшіру дегенді білдірмейді. Файлды жою сәтінде дискінің түбір каталогіндегі ақпарат та жойылады. Сондықтан, егер сіз қандай да бір файлды кездейсоқ жойып алсаңыз және оны бірден байқап қалсаңыз, ол файлды қайтадан қалпына келтіруге болады; Windows, OS/2, MacOS графикалық ортада — файлды Қоржын деп аталатын арнайы дестеге апаруға және қажет жағдайда оны бұрынғы немесе жаңа орында қайта қалпына келтіруге болады. Кейбір жүйелерде Қоржын — Сауыт деп аталады.