Дәлдеу-барлау авиациясы

Дәлдеу-барлау авиациясы — барлау авиациясының артиллерияға қажетті барлау жүргізетін және артиллериядан атуды жер үстінен және кемелерден бакыланбайтың жер үсті және су үсті нысаналарына көздеуге арналған құрамды бөлігі. Бірінші дүниежүзілік соғыста негізгі соғысушы мемлекеттердің қарулы күштерінде (Ресей, Ұлыбритания, Германия, Франция және т.б) пайда болған. Алғашында дәлдеу-барлау авиациясы жеңіл ұшақтармен қаруланған жеке буындардан, авиа жасақтарынан (эскадрильялардан) түрды. Нысаналарды барлау көзбен барлаумен және жергілікті жерді суретке түсірумен, ал атуды дәлдеу — дәлдеуші үшақ орындайтын жарықтық-техникалық құралдармен және мәліметтері бар вымпелдерді тастаумен жүзеге асырылды. Екінші дүние жүзілік соғыста дәлдеу-барлау авиациясы дәлдеуші ұшақтармен (құрамында пулеметі, зеңбірегі, арнайы фотоаппараты бар), жарықтык-техникалық құралдармен радио және басқа құралдармен, жабдықталған. Көптеген мемлекеггердің қарулы күштерінде дәлдеу-барлау авиациясы бөлімдері мен бөлімшелері 20 ғасырдың 60 жылдарына дейін ғана болып, таратылып жіберілген. Олардын міндеттерін енді арнайы дайындалған армиялық авиациялар аткара бастады. Олардың құрамында барлау және дәлдеу үшін тікұшақтар мен ұшақтар болады. Бүл ұшақтар мен тікұшақтар аэрәфотографияның жаңа аппараттарымен, оптикалық, радиоэлектрондық және басқа құралдармен жабдықталған.