Ұрыс барысында атысты басқару

Ұрыс барысында атысты басқару. Ұрыс барысында атысты басқаруға мына шаралар кіреді:

• қарсыластың нысаналарын барлау, оларды бағалау, жою кезектілігін анықтау, нысананы көрсету, нысаналарды жою үшін карудың және оқтың түрін, атыс жүргізудің әдісі мен атыстың түрін тандау;
• атыс ашу мерзімін анықтау;
• атыс тапсырмасын жүктеу немесе атыс ашуға пәрмен беру; атудың нәтижесін бақылап, оны түзеу;
• атыс маневрін жасау мен оқ-дәрі шығынына бақылау жасау. Әр деңгейдегі командирлердің атысты басқару міндеттерінің мазмұны бөлімшелердін ауқымдылығы мен олардын қару-жарағына байланысты өзгереді.

Бірақ барлық жағдайдағы атысты басқарудың мақсаты бөлімшелердің атыс құралдарын қысқа мерзімде қарсыласты көп шығынға ұшырату, оқ-дәріні аз жұмсап, өз шығынын азайтып, толық және нәтижелі қолдану болып табылады. Офицерлермен командирлік дайындық жүйесінде бөлімше командирлерін далалық жағдайда атысты басқаруға машықтандыру мақсатымен жүргізілетін сабақтардың мазмұны командирлік дайындық жүйесіндеп тактика бойынша пысықталатын тақырыптармен үйлестіріледі. Атысты басқару сабақтары тактикалық дайындық сабақтары өткізілген жерде, сол сабақка үйлес тактикалық жағдайда өткізіледі.

Ұрыс барысында күшті басқа жаққа аудару

Операция (ұрыс) барысында әскерлердің (күштердің) басты топтары қимылдарының бағыттарын өзгерту. Ол шабуылда табысқа жеткен, корғаныста қарсылас басты соққы беретін және қорғаушы әскерлерді күшейтуді талап ететін бағытта жүзеге асырылады. Ұрыс барысында күшті басқа жаққа аудару әскерлердің маневр жасауы, ұрысқа екінші эшелондарды және қорларды енгізу, авиация қимылдарын және жою құралдарын қайта бағыттау жолымен жүргізіледі.

Ұрыс дабылы бойынша жиналу пункті

Ұрыс дабылы жарияланғаннан кейін бекітілген қару-жарақтарымен, оқ-дәрілері және т. б. материалдық құралдарымен бөлімшенің жеке құрамы, сонымен қатар ұрыстық тапсырмаларды орындауға дайын әскери техника шығарылатын бөлім командирі анықтайтын орын. Ұрыс дабылы бойынша жиналу пунктінде бөлімшенің міндеттері анықталып, оны орындау дайындағы тексеріледі, саптық лекке caп түзеуі жүзеге асырылады. Ұрыс дабылы бойынша жиналу пункті ілгерілеу бағытындағы орналасу орнынан біраз қашықтыкта белгіленеді. Бөлімшелер бұл пунктке жеке құрамды хабарлау, машиналардың қозғалтқыштарын от алдыру және олардың жиналу орнына жету уақыты есебімен аныкталған қысқа мерзімде жетеді.

Ұрыс дағдарысы

Ұрыс қимылдары барысындағы шешуші кезең, бұл кезде барлық күштер мен құралдар қимылға кірістіріледі және жеңіс не жеңіліс нәтижесіне байланысты болады.

Ұрыс даласына арналған ядролық қару

Ұрыс даласында қолдануға арналған кіші радиус әрекетті біршама ұсақ ядролық, қару (ракеталық бомбалар, артиллериялық снарядтар, жер үсті миналары).

Ұрыс желісі

Ұрыс машиналарының майданда бір-бірінен 100 м дейінгі аралыкта бір желіде орналасуы. Ұрыс желісін танкілік, мотоаткыштар бөлімшелері (взводтары, роталары) ұрыс жүргізу үшін қолданады. Атыс жүргізуге ыңғайлы болу және жергілікті жерде ұрыс машинасын тиімді қолдану үшін ұрыс желісі көршілердің іс-кимылына кедерп келтірмейтіндей және ұрыс желісі майданның жалпы бағытын бұзбайтындай болып қапталда немесе алға жылжытылуы мүмкін.