Таулы жерлерде ұрыс қимылдарын ұрыстық жабдықтау

Таулы жерлерде ұрыс қимылдарын ұрыстық жабдықтау — таулы жерлердегі батальонның (рота) ұрыстық жабдықталуы қарсыластың түтқиылдан шабуылдауына жол бермеуге, оның бөлімшелерді ату мен соққы беру тиімділігін төмендетуге, ұрысқа ұйымдастырылған түрде және өз уақытында кіру, сондай-ақ, оны табысты жүргізу үшін қолайлы жағдайлар жасауға бағытталған шараларды ұйымдастырып жүзеге асыруға негізделеді.

Доңғалақты және шынжыр табанды техниканың жүріп өтуіне қолайлы қатынас жолдарының шектеулілігі өскерлерді терең лекпен және кең маңдайшеппен, көбінесе ұрыс және жорық ретіндегі, ашық қапталдармен басып алынбаған, тек бақыланатын аралықтарда әрекет жасауға мәжбүр етеді.

Ұрыстық жабдықтауға қойылатын негізгі талаптар қарсылас және жергілікті жер туралы мәліметтерді өз уақытында жинау және жеткізу, қарсы әрекет ұйымдастыру үшін қауіп туралы алдын ала хабарлау.

Ұрыстық жабдықтау батальон командирінің қабылданған шешімімен және әскери жабдықтау түрі бойынша жоғары тұрған бастықтың әкімімен ұйымдастырылады. Жарлықтар мен өкімдердің болмауы бөлімше командирлерін ұрыстык жабдықтауды әз уақытында ұйымдастырудан босатпайды.