Таулы жерлердегі бөлімшелерді техникалық қамтамасыз ету

Таулы жерлердегі бөлімшелерді техникалық қамтамасыз ету — қазіргі кездегі ұрыста танк (мотоатқыш) бөлімшелерін техникалық қамтамасыз етуді ұйымдастыру және жүзеге асыру ұрыс қимылдарының сипаты мен түріне, әскери қимылдар театрының физикалық-географиялық жағдайына байланысты.

Бөлімшенің техникалық құрамы техникалық қамтамасыз етудің басты міндетін жергілікті жердің тактикалық, табиғи-климаттық жағдайын, жыл, тәулік уақыты және басқа физикалық-географиялық факторлардың қару жарақ пен техниканы пайдалануға, жөндеу-қалпына келтіру органдарының іс-әрекетіне әсер-ықпалын жан-жақты есепке алғанда ғана толық және сапалы орындай алады, сөйтіп қойылған ұрыс тапсырмаларының табысты орындалуына көмектеседі.

Таулы жерлерде мотоатқыштар (танк) бөлімшелерінің қойылған ұрыс тапсырмасын табысты орындауы бөлімше жеке құрамының, оның ішінде экипаждың техникалық дайындығына (есептер, жүргізушілер) және танктехникалық қамтамасыз ету бөлімшесі маман-жөндеушілерінің арнайы тактикалық дайындығына байланысты болады.

Механик-жүргізушілердің техникалық дайындығының түрі мен мазыұны олардың таулы жерлерде машина жүргізе алу және пайдалану тәжірибесімен, сондай-ақ батальонға ұрыска дайындық үшін берілген уақытпен анықталады.

Ұрыстың басталуымен батальонның ұрыстык ретінен кейін батальонның техникалық бақылау пункттері, жөндеу эвакуациялық топтары, сондай-ақ бөлімнің техникалық қамтамасыз ету органдары өз жұмыстарын ұйымдастырды.

Таулы жерлерде ұрыс қимылдарын жүргізу кезінде кейде батальонның техникалық бақылау пунктінен (ТБП) барлық шабуылдаушы машиналарды бақылауға мүмкіндік болмайды. Сондықтан, әр ротаның ұрыстық ретіне техникалық барлау жүргізу үшін роталық ТБП жасау керек.

Қазіргі жағдайда түнгі және көру шектеулі жағдайлардағы ұрыс қимылдарының мәні мен ролі мейлінше өседі.

Бөлімшенің түнгі әрекеттері барлық ұрыс әрекеттері түрлерінен де күрделі болып табылады және ерекше мұқият ұйымдастыру мен техникалық қамтамасыз ету шараларын жүзеге асыруды талап етеді.

Түнгі ұрыс қимылдары барысындағы штаттық және берілген күштер мен техникалық қамтамасыз ету құралдарының жұмыс реті мен міндеттері күндізгі уақыттағы олардың әрекеттеріне ұқсас.

Түнде техникалық қамтамасыз етуді ұйымдастыру кезінде батальон командирінің қару-жарақ жөніндегі орынбасарының ұрыс қимылдары болатын ауданды алдын ала барлауы ерекше маңызды. Күндізгі уақытта өткізілетін алдын ала барлау кезінде түнде көрінетін бағдарлар, қарсылас қорғанысының алдыңғы шебі, кедергілер мен бөгеттердің болуы мен сипаты, қорғаныс терендігіндегі өңір, онда бұзылған машиналарды жөндейтіндей тасалардың болуы, бөлімшелерді белгілеу реті, жергілікті жерді жарықтандыру, бөлімшелердің қимыл бағытын белгілеу үшін жарық беруші бағдарлар қою, алынған шептер мен олардың қапталдары, ілгерілеу бағыты, істен шыққан машиналарды жарық арқылы белгілеу реті, техникалық бақылау пунктінің орналасатын орны мен ұрыс барысында орын ауыстыру бағыты анықталады.