Тыңға 50 жыл медалі

«Тыңға 50 жыл» медалі
Мемлекет	Қазақстан
Түрі	Мерейтойлық медал
Жағдайы	беріледі
Негізделді	16 қаңтар 2004 жыл
Жоғары марапаты	«1941-1945 жж. Ұлы Отан соғысындағы Жеңіске 60 жыл» медалі
Төменгі марапаты	«Астанаға 10 жыл» медалі
Medal "50 Years of the Virgin" Ортаққорда

«Тыңға 50 жыл» медалі — Қазақстан Республикасының мерейтойлық медалі.

Медал туралы ереже

Медаль республикадағы тың және тыңайған жерлерді игеруге және ауыл шаруашылығын дамытуға елеулі үлес қосқан Қазақстан Республикасының азаматтарын және шетел азаматтарын мадақтау, сондай-ақ тың және тыңайған жерлерді игеруге 50 жыл толуын мерекелеу мақсатында тағайындалды.

Сипаттамасы

«Тыңға 50 жыл» мерейтойлық медалi жезден дайындалып, диаметрi 34 мм шеңбер пiшiндi болады. Медалдiң бет жағында көтерiлген күн мен егiн аясында астық жинап жүрген комбайндар, оң және сол жақтарында айнала бидай масақтары бейнеленген.

Медалдiң артқы жағында ортада мемлекеттiк тiлде және орыс тiлiнде: «Қазақстан Республикасы «Тыңға 50 жыл» — «Республика Казахстан «50 лет целине» деген жазу жазылған. Медалдiң төменгi бөлiгiнде айнала лавр бұтақтары орналасқан.

Медалдағы барлық бейнелер, жазулар бедерлi, алтын түстi. Медаль шеттерi ернеумен жиектелген.

Медал құлақша мен шығыршық арқылы Қазақстан Республикасының мемлекеттiк туы түстес қатқыл таспамен тысталған енi 34 мм және биiктiгi 50 мм бесбұрышты тағанға жалғанады. Таспаның шеттерiн бойлай сары және жасыл түстi екi жолақ жүргiзiлген.

Медаль Өскемен қаласындағы Қазақстан теңге сарайында дайындалады.

Дереккөздер

• Тың және тыңайған жерлердi игерудiң басталуына 50 жыл толуы құрметiне арналған мерекелiк медаль туралы Қазақстан Республикасы Президентінің 2004 жылғы 16 қаңтардағы № 1281 Жарлығы.
• Republic of Kazakhstan: Jubilee Medal 50 Years of the Development of Virgin Soil
• В Казахстане учреждена медаль "50 лет целине"
• Қазақстан Республикасы Президентінің 2004 жылғы 16 қаңтардағы № 1281 Жарлығы