Абайтану сабағы
Абайтану сабағы - республиканың жоғары оқу орындарында студент жастарды ұлы ақынның әдеби мұрасымен тереңдей таныстыру үшін өтілетін арнайы семинар-сабақ. 1942-43 оқу жылында ҚазМУ-дің филология факультетінде М. Әуезовтың жетекшілігімен ұйымдастырылған. Абайтану сабағында Әуезов негізінен ақынның шығармаларын оқып-білу, мән-мағынасын терең меңгеру, оны өз бетімен талдау арқылы ой қорыту, оған сын пікір айту, реферат жаздыру, баяндама, қосымша баяндама жасату жолдарына ерекше мән берген. Мәселен, «Абай жөніндегі тақырыптар» ұсынғанда Абай шығармаларының толық қамтылуын және оларды студенттердің жан-жақты танып-біле алатындай болуын ескерген. Мәселен, «Абайды тану жөніндегі зерттеулік мәселелер», Отыз бесінші сөз деп аталатын сабақтарында студенттердің Абай поэзиясы мен қарасөздеріндегі пікір сабақтастығы мен тақырып жағынан үндестігін ажырата білуіне ден қойған.[1]
Дереккөздер[өңдеу | қайнарын өңдеу]
- ↑ Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |