Абай ұрпақтары
«Абай ұрпақтары» - қолжазба журнал. 1939 жылдан Семей облысы, Абай ауданы, Қарауыл селосындағы Абай атындағы орта мектепте оқушылар мен мұғалімдердің ұйымдастыруымен шығып келеді. 1939 ж. Абайдың 95 жылдық мерейтойы қарсаңында М. Әуезов өзінің улы ақын туралы болашақ романына деректер жинай жүріп, сол кездегі Шыңғыстау ауданы жұртшылығымен кездесу өткізген. Ол «Абай ұрпақтары» деген қолжазба журнал шығару туралы ұсыныс жасап, оны ұйымдастырушылардың бірі болды. Журналдың алғашқы редакторы Талғат Әбенов Ұлы Отан соғысында қаза болған.
Журнал жанашырлары - Абай ұрпақтары мен жерлестері туған өлкенің өткен тарихын, ел аузында сақталған халық әдебиеті үлгілерін, ұлы ақын мен Әуезов туралы естеліктер, әңгімелер жинайды, жер-жердегі тілшілері арқылы бүкіл облыс, республика бойынша ауқымды жұмыстар жүргізеді. Журнал беттерін де ғибратты сөз, көркем әңгімелер мен очерктер, туған жер, Абай мен Әуезов, Шәкәрім туралы өлендер мен мақалалар, естеліктер т. б. материалдар жарияланады. Журнал Абайдың 100, 125, 150 жылдық, Әуезовтің 70, 80, 90, 100 жылдық мерейтойларына бір-бір нөмірлерін арнады. 1959 жылы журналдың шыққанына 20 жыл толуына орай жолдаған құттықтауында Әуезов:
«... бәрімізге ортақ ұлы Абай атамыздың қадірлі ұрпақтарын журналдың XX жылдық даңқты мерекесі күні жалынды, достық сәлеммен құттықтаймын»
деп, жүрекжарды сәлемін жеткізіп, үлкен табыс тіледі[1][2]
Дереккөздер[өңдеу | қайнарын өңдеу]
- ↑ Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
- ↑ Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |