Абенаки

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Абенаки тайпасының туы

Абенаки (абнаки) (Abenaki; Abnaki) АЛГОНКИНИЯ тілдері семьясына жататын тілде сөйлейтін солтүстік америкалық үндістер тайпасы. Негізінен Квебек (Канада) және АҚШ-тың Мэн штаты жерін мекен етеді. Қазіргі абенакилер Оңтүстік Квебекті және АҚШ-тың Вермонт және Нью-Хэмпшир штаттарының, сондай-ақ Мэн және Нью-Йорк штаттарының территорияларын өздерінің ежелгі мекендері деп санайды. Олардың аты «Күншығыс халқы» немесе «Шығыс тұрғындары» дегенді білдіреді. Андроскогин, кенебек, малисет, оурастегуяк, пасамакводи, патсуикет, пенобскот, пигвакет, микмак, пенакук, покамека, сокони және вевенок секілді бірнеше ұлыстардан құралған. Ирокез лигасына, әсіресе могаук тайпасына қарсы тұру үшін Вабенак конфедерациясына біріккен. 17 ғасырда абенактар француздар жағына шығып, ағылшындарға қарсы күреседі. Алайда бірнеше рет жеңіліске ұшырағаннан кейін Канадаға, Квебектегі Труа-Ривьер маңына Сен-Франсуа-Дю-Лак (Saint-Frangois-du-Lac) және Беканкурға (Becancour) қоныс аударады. Сондай-ақ Мэн және Нью-Брансуйк штаттарында (Канада) резервациялары бар. Абенактардың жалпы саны 12 000-ға жуық.[1]

Пайдаланған әдебиет[өңдеу]

  1. Encyclopedia Britannica ISBN 978-5-17-038532-4