Алдын ала барлау

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Алдын ала барлау (лат. recognosco — караймын, тексеремін) — қарсыласты және жергілікті жер өңірін шола зерттеу. Ұрыс қимылдарын, әскердің ілгерілеуі мен орналасатын орындарын, баскару пункттерін ұйымдастыру кезінде жүргізіледі. Оған қол астындағы, қолдау көрсететін бөлімшелер командирлері қатысады. Қойылған міндетке байланысты алдын ала барлау барысында қарсыластың орналасуы, оның атыс құралдары туралы мәліметтер нактыланып, танкіге кауіпті бағыттар, бөгет орындары аныкталып, позициялар белгіленіп, ор қазылады. Шоғырлану, күту аудандары, ұрыс тәртібін құру және т.б. анықталады.[1]

Рекогносцировка әскерлердің соғыс кимылын ұйымдастыру мақсатымен қарсыластың орналасқан аймағы мен сол жердің халқы туралы, жергілікті материалдық заттар мен құрал-жабдықтар туралы алдын ала алынган мағлұматтарды командирдің тікелей бақылау арқылы тексеруі. Әсіресе, соғыс қимылдары басталар алдында жүргізілген бақылаудың маңызы зор. Осы мәліметтер бойынша командир алдағы болатын ұрыс жөнінде шешім қабылдайды. Бақылауды бөлімнің, бөлімшенің, полктің, құраманың немесе оперативтік бірлестік командирлері алдын ала жасалған жоспар бойынша, оған өзінің қарамағындағы әскер түрлерінің басшыларын және штаб офицерлерін қатыстыра отырып жүргізеді. Шабуылды ұйымдастыру кезінде жаудың қорғанысын, оның бекіністерін, қорғаныс құрылыстарын және инженерлік кедергілерді бақылауға зор кәділ бөледі. Бақылау негізгі соққы бсрілетін бағытта, қарсыластың орналасқан жер аймағында бірнеше жерден жүргізіледі.

Пайдаланған әдебиет[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001