Александр Иванович Ильин

Александр Иванович Ильин 1951 жылы 29 қазанда РКФСР Таулы Алтай автономиялық облысының Турочак ауданының Тюректеч ауылында туған. Орыс. Әкесі - Ильин Иван Николаевич, марқұм. Анасы - Ильина Вера Павловна, марқұм. С.М. Киров атындағы Қазақ мемлекеттік университетінің химия факультетін бітірген (1975), химик, химия оқытушысы. Химия ғылымдарының докторы (1999). Докторлық диссертациясының тақырыбы: «Құрамында галогендер және интергалогендер бар су және сулы емес жүйелерді физика-химиялық және электрохимиялық зерттеу және оларды химиялық тоқ көздерінде, галогендер мен дәрілік құралдарды алу технологиясында пайдалану ерекшеліктері». Қазақстан ұлттық жаратылыстану ғылымдары академиясының корреспондент-мүшесі. 150 жарияланымның авторы. 20 патентке ие. Орыс және неміс тілдерін біледі. 1975 жылдан - Алматы қаласындағы №30 ОМ мұғалімі. 1976 жылдан - С.М. Киров атындағы Қазақ мемлекеттік университетінің физикалық химия кафедрасының инженерінен аға ғылыми қызметкер дәрежесіне дейінгі қызмет жолынан өткен. 1995 жылдан - «Есіл» шағын ғылыми-өндірістік кәсіпорынның директоры (Алматы облысы). 1998-2001 жылдары - «АРА-Ргаһа З.Т.О» (Прага қаласы) компаниясының ғылым жөніндегі директоры. 2002 жылдан - «Актис» ЖШС - шағын ғылыми-өндірістік кәсіпорынның директоры (Алматы қаласы). 2004 жылдан бері - «Инфекцияға қарсы препараттардың ғылыми орталығы» РМК директорының м.а., директоры (Алматы қаласы). Америкалық химия қоғамының толық мүшесі (2009 жылдан).