Алексей Сергеевич Куница
Алексей Сергеевич Куница (1912, Ақмола облысы,Бурабай ауданы, Николаевка ауылы — 10.10. 1943, Украина, Сумы облысы, Конотоп ауданы, Сосновка ауылы) - 2- дүниежүзілік соғысқа қатысушы, аға сержант, взвод командирі. Куница Кеңес әскері қатарына 1941 жылдың аяғында Ақмола (қазіргі Астана қаласы) қаласы әскери комиссариаты арқылы шақырылды. Ол Солтүстік-Батыс және Орталық майдандардағы шайқастарға қатысты. Соңғы шайқасын Киев облысы,Чернобыль ауданында 1943 жылдың 6-10 қазаны аралығында өткізді. Куница Днепр өзенінің оң жағалауындағы плацдармды қорғап, ерекше ерлік, батырлық және табандылық көрсетті. 1943 жылдың 10 қазанында немістер 18-гвардиялық атқыштар корпусы 4-гвардиялық әуе-десант дивизиясының 3-батальонына соңғы рет қарсы шабуылға шықты. Жаудың екі станокты пулеметі Кеңес әскерлерінің оқ атуына бөгет жасады. Осы телімде жағдай шиеленісіп кетті. Сол кезде Куница немістің дзотына еңбектеп келіп, граната лақтырды. Дзот гарнизоны қаша жөнелді, бірақ осы кезде орманнан 50-ге жуық неміс шыға келді. Көмек келгенше Куница позицияны ұстап тұрды. Осы ұрыста Куница қаза тапты. Куницаның батылдығы мен табандылығы үшін КСРО Жоғарғы Кеңесі Төралқасының Жарлығымен оған Кеңес Одағының Батыры атағы берілді (10.1. 1944)[1].
Бурабай ауданы,Николаевка ауылының бір көшесіне және орта мектепке Куницаның есімі берілген.[2]
Дереккөздер[өңдеу | қайнарын өңдеу]
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1
- ↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |